Б.ОД

Бүх нийтийн бэлэн байдлын зэрэгт шилжин, хөл хорио тогтоосон үеийн зөрчлүүдийн талаар ЦЕГ-аас мэдээллээ. ЦЕГ-ын Хэвлэл мэдээлэлтэй харилцах төвийн дарга Б.Баатархүү "Улаанбаатар-Ховд аймгийн чиглэлд хүнс ачиж явсан автомашинд Говь-Алтай аймгийн иргэн Э нь Ховд аймагт оршин суух бүртгэлтэй 10, Говь-Алтай аймагт оршин суух бүртгэлтэй нэг иргэнийг тээвэрлэж явсныг илрүүлэн шалгаж байна. Мөн Хэнтий аймаг руу хоёр, Дундговь аймгийн Даланжаргал сумын постоор том оврын автомашинд суун нэвтрэхийг завдсан дөрвөн иргэнийг саатуулсан. Энэ мэт хөдөлгөөний хязгаарлалтын дэглэм, хөл хорио тогтоосон үед машинд нууцаар сууж явсан 28 иргэнийг илрүүлээд байна. Архи, согтууруулах ундаа худалдан борлуулж байсан 88 зөрчлийг илрүүлж,  долоон тээврийн хэрэгслийг саатуулсан " гэж ярилаа.

Мөн цахим орчинд худал мэдээлэл тараасан 39 зөрчлийн шинжтэй үйлдлийг илрүүлж, таван иргэнийг 500 мянган төгрөгөөр торгожээ.  Худал мэдээлэл тараасан иргэдийн гурав нь гадаад улсын иргэн байсан аж . Тухайлбал, ХБНГУ-д оршин сууж байгаа 43 настай иргэнд хэрэг бүртгэлтийн хэрэг нээн шалгаж байна. 

Эх сурвалж:www.polit.mn