Б.ОД

Засгийн газрын ээлжит бус хуралдааны үеэр тээврийн жолоочийн хавьтал болсон хүмүүсийн орсон караоке, зочид буудал, цайны газрыг шинээр тогтоосон талаар ХӨСҮТ-ийн Тандалт судалгааны албаны дарга А.Амбасэлмаа  мэдээллээ. Тэрээр "Халдварын батлагдсан тохиолдолтой хол ойрын хавьтал болсон хүмүүс хаагуур явснаа мартах, зөрүүлж хэлэх, зарим үед хэлэхгүй байх тохиолдол байдаг. Өнөөдөр тандалтын явцад хэдэн караоке, цайны газарт хавьтал байгааг тогтоолоо. Тодруулбал, СБД-ийн VIII хорооны "Говьсайхан" караокед энэ сарын 9-ний 17:00-20:00 цагт байсан хүмүүс, “Топаз” зочид буудал,  “Өгөөж” цайны газарт 12:00-14:00 цагт байсан хүмүүс ЭМЯ-ны 119 тоот утас, ХӨСҮТ-ийн 80086829 дугаар руу холбогдож, зөвлөгөө зөвлөмж авахыг хүсэж байна. Халдварыг улсын хэмжээний дэгдэлт болгохгүйн тулд зорьж ажиллаж байгаа. Гэтэл  дээрх шалтгаануудын улмаас хөл хориог сунгах шаардлага гарч болзошгүй байгааг ард иргэд минь ойлгоорой" гэв.

Эх сурвалж:www.polit.mn