Т.САЙХАН

ХӨСҮТ-ийн Тандалт, судалгааны албаны дарга А.Амбасэлмаа халдварын нөхцөл байдал, шинжилгээний хариу болон эмчилгээний талаар мэдээлэл өглөө. Тэрээр "Гурван хүнд халдвар илэрч, 817 хүнээс илрээгүй. Гурван батлагдсан тохиолдлын нэг нь 4 настай хүүхэд байсан бол хоёр нь ажиглалтад хянагдаж байгаа хоёр эмч байна" гэлээ. Ингэснээр Монгол Улсын хэмжээнд нийт батлагдсан тохиолдол 416 болж байна. 

Дарханд

Сэлэнгэ аймагт 74 настай иргэнээс  covid-19 халдвар илэрсэн. Түүний бэр болох нэгдүгээр хавьтагч Дархан аймагт зорчсон өгүүлэмжтэйгээр тусгаарлагдсан билээ. Тэгвэл Дарханы Оргил худалдааны төвд үйлчлүүлсэн хүүхдүүд, үйлчилгээний ажилчид, эцэг эх, хүсэлт гаргасан нийт 139 иргэнээс урд шөнө /11.14/ PCR шинжилгээ авахад хариу нь бүгд сөрөг гарсан байна. Өөрөөр хэлбэл, эдгээр хүмүүст covid-19 халдвар илрээгүй гэсэн үг. Түүнчлэн Онцгой комисст ажиллаж байгаа ажилтан албан хаагч, сэтгүүлч 42 хүнд түргэвчилсэн шинжилгээнийхариу сөрөг гарсан гэдгийг Дархан-Уул аймгийн онцгой комиссоос мэдээллээ.

Эх сурвалж:www.polit.mn