Т.САЙХАН

Эрүүл мэндийн яамнаас коронавируст халдварын цаг үеийн асуудлаар  /2020.11.13. 17:00 цаг/мэдээлэл хийж байна.

ЭМЯ-ны хэлтсийн дарга Д.Нарангэрэл "Сэлэнгэ аймагт кластер буюу багц тохиолдол бүртгэгдэж, голомтын цар хүрээ тэлж байна. 11:00 цагт мэдээлэл хийснээс хойш коронавирусийн хоёр тохиолдол шинжилгээгээр батлагдлаа.

• Эхний тохиолдол нь нэгдүгээр тохиолдлын /ачаа тээврийн жолооч/ хавьтал болох ХӨСҮТ-д тусгаарлагдаж байсан 4 настай хүүхдээс хоёр дахь шинжилгээгээр коронавирус илэрлээ. Энэ голомтоос ийнхүү нийт долоон хүн халдварлалаа.  
• Хоёр дахь тохиолдол нь аравдугаар сарын 24-нд франкфуртийн онгоцоор ирсэн хүнээс давтан шинжилгээгээр халдвар илэрлээ.

Монгол Улсад коронавирусийн халдварын тохиолдол 414 боллоо." гэв.     Ийнхүү тээврийн жолооч болон эхнэрээс нь халдвар илэрсэн бол өнөөдөр дөрвөн настай хүү нь  халдвар авсныг шинжилгээгээр тогтоолоо. Нэг настай бага хүүхэд нь ХӨСҮТ-д ээжийнхээ хамт байгаа бөгөөд эмч, мэргэжилтнүүдийн зөвлөсөн халдвар хамгааллын дэглэм баримтлан асарч байгаа юм.  

Эх сурвалж:www.polit.mn