Путин, Ши Жиньпин нар яагаад Байденд баяр хүргэсэнгүй вэ?

2020-11-11
Нийтэлсэн: Админ
 1 мин унших

Б.ДОЛЖИНЖАВ

 

АНУ-ын сонгууль өндөрлөж, 46 дахь ерөнхийлөгчөөр Ардчилсан намаас нэр дэвшигч Жо Байден тодорсон. Түүний өрсөл­дөгч Дональд Трамп сонгуулийн дүнг хүлээн зөвшөөрөхгүй хэмээн зарга үүсгэн шүүхээр явж байгаа. Гэвч Австрали,  Өмнөд Солонгос, Франц, Герман, Их Британи, Япон, Венесуэль гэсэн улсын удирдагчид Байденд баяр хүргэж, түүний ялалтыг хүлээн зөвшөөрөөд байгаа юм. Харин ОХУ, БНХАУ гэсэн хоёр гүрний удирдагчид одоог хүртэл түүнд баяр хүргээгүй нь ихээхэн анхаарал татаж байна.

Учир нь 2016 онд Трамп ялсанаас нэг цагийн дараа Кремль түүнд баяр хүргэж байв. Энэ удаа яагаад баяр хүргээгүй шалтгаанаа Кремлийн хэвлэлийн төлөөлөгч Дмитрий Песков “Албан ёсны сонгуулийн дүнг хүлээж байна” хэмээн даваа гаригт тайлбарлажээ. Жо Байден аравдугаар сарын сүүлээр ОХУ-ыг “АНУ-ын үндэсний аюулгүй байдалд заналхийлж байгаа гол аюул” хэмээн мэдэгдэж байв. Үүний хариуд Кремль “ОХУ Байдены хэлснийг хүлээн зөвшөөрөхгүй” гэсэн нь Байден, ОХУ-ын харилцаа тааруу байгааг илтгэсэн юм. Энэ маргаанаас үүдэн Путин Байденд баяр хүргээгүй хэмээн ажиглагчид үзэж байна.

БНХАУ-ын удирдагч Ши Жиньпин мөн адил 2016 онд Трампад баяр хүргэж, АНУ-Хятадын харилцааг тогтворжуулахад анхаарахаа зарлаж байв. Харин энэ удаа Байденд баяр хүргэсэнгүй. “Хэзээ баяр хүргэх вэ” гэж асуухад Хятадын Гадаад хэргийн сайд “Олон улсын практикыг дагана” гэснээс өөр хариулт өгсөнгүй. Хоёр орны худалдааны дайн, технологийн өрсөлдөөн, хүний эрхийн зөрчлөөс гадна цар тахалд Трамп Хятадыг буруутгасан нь харилцааг улам хурцатгасан. Тиймээс Жиньпин Байденд  баяр хүргэхээс татгалзсаны учрыг олох хэцүү биш. Хэдийгээр Байден Хятадад хатуу ханддаг ч  ашиг сонирхлын үүднээс хамтран ажиллана. Учир нь Хойд Солонгос болон уур амьсгалын өөрчлөлттэй холбоотой асуудлаар Хятадтай хамтран ажиллана гэж тэрээр мөрийн хөтөлбөртөө тусгасан юм. Үүнээс гадна Турк, Бразил, Мексик улсын ерөнхийлөгчид Байденд баяр хүргэсэнгүй.

Эх сурвалж: “Зууны мэдээ” сонин

2020.11.11 ЛХАГВА № 218 (6443)

 

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

6 цаг 46 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

23 цаг 1 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

23 цаг 31 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

23 цаг 35 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин