Б.ДОЛЖИНЖАВ

Дэлхий нийт өнөөдрийг COVID-19-ийн эсрэг 90 хувийн үр дүн үзүүлсэн вакцины сайхан мэдээгээр эхлүүллээ. АНУ-ын Pfizer, Германы BioNTech компани хамтран бүтээсэн вакцин аюулгүй гэсэн үр дүн  үзүүлж, 90 хувийн дархлаа тогтоосноор хүн төрөлхтөний шинжлэх ухааны түүхэн дэх гайхалтай өдөр боллоо хэмээн олон нийт үзэж байна. Түүнчлэн дээрх  компаниуд вакцинаа энэ сарын сүүл үеэс нийтийн хэрэглээнд нэвтрүүлэх өргөдөл гаргахаар төлөвлөжээ. Судлаачид хавар гэхэд  хэвийн амьдралдаа шилжих боломж ирлээ хэмээн, энэ мэдээг талархан хүлээн авч байна.

Энэ талаар Оксфордын их сургуулийн анагаах ухааны сургуулийн  профессор Жонн Бэлл “Би үүнийг хэлж буй анхны хүн нь боловч сайн үр дүн үзүүлнэ гэдэгтээ итгэлтэй байна. Хөл хориог сулруулах, хязгаарлалтыг зогсоох хамгийн сайн арга зам бол вакцины эмчилгээ юм” гэж ярьжээ.

Харин АНУ-ын Pfizer компанийн тэргүүлэгч Алберт Боурла “Бид дэлхийн өнцөг булан бүрт  нүүрлэсэн эрүүл мэндийн хямралыг зогсоох гайхалтай нээлтийг хийхэд ойртлоо” гэв.

Их Британийн анагаах ухааны зөвлөгч, профессор Крис Витти “Шинжлэх ухааны ид шидийг харуулсан, ирэх оныг өөдрөгөөр угтах шалтгаан боллоо” гэсэн бол АНУ-ын шинэ ерөнхийлөгч Жо Байден “Гайхалтай мэдээ. Цар тахалтай хийх тулаан дуусахад хэдхэн сар үлдсэнийг ойлгох нь чухал” гэсэн байна.

Энэ вакцины хоёр дахь тунг тариулснаас долоо хоногийн дараа Америк, Герман, Бразил, Аргентин, Өмнөд Африк, Туркийн сайн дурын 94 ажилтанд 90 хувийн дархлаа тогтсон байна. Тиймээс компаниуд энэ жилийн төгсгөл гэхэд 50 сая тун вакцин, 2021 оны төгсгөл гэхэд 1.3 тэрбум тун вакцин үйлдвэрлэхээр төлөвлөжээ. Нэг хүнд  гурван долоо хоногийн зайтай хоёр тун вакцин хэрэгтэй аж. 

Дэлхийд олон вакцин сүүлийн шатны туршилтаа хийж байгаа боловч үр дүн үзүүлсэн анхны вакцин  нь энэ юм. Гэхдээ энэ нь эхний 94 сайн дурын ажилтанд гарсан үр дүн учраас сүүлийн дүн мэдээ гартал баталгаатай биш юм.

     Эх сурвалж:BBC