Т.САЙХАН

МАН УИХ-ын сонгуулийн өмнө хотын иргэдийг дүүжин тээврээр зорчуулна хэмээн баахан пиардав. Орон нутгийн сонгуулиар ч энэ PR үргэлжилж байна. 

Нийслэлийн уулархаг хэсгүүдэд зам, дэд бүтэц бага хөгжсөн учраас  дүүжин тээвэр хэрэглээнд нэвтэрснээр хотын хойд суурьшлын хэсгийн иргэд  хурдан шуурхай зорчих боломж бүрдэнэ гэв. 

Ялангуяа эхний ээлжинд Баянхошуу орчмоос III, IV хороолол хүртэл болон Энхтайваны гүүр, Чингисийн өргөн чөлөөний замын түгжрэлийг бууруулах зорилготой хоёр шугам нээнэ.   Дүүжин тээврээр цагт  2500-3000 хүн үйлчлүүлэх бөгөөд Баянхошуунаас Ард Аюушийн өргөн чөлөө хүртэл 16 минут, Зайсангаас хотын төв рүү найман минутад зорчино гэж тооцоолжээ. Тэднийхээр бол энэ төсөл нь  2020 оноос эхлэн иргэдэд үйлчлэх байв.  Гэвч 2021 он гарахад хэдхэн сарын хугацаа үлдээд байна.  Төслийн эхний шат ч хэрэгжээгүй байна.  МАН-ын оноо авах тактик буюу дүүжин тээврийн үлгэр удахгүй жаргах биз ээ. 

Эх сурвалж:www.polit.mn