Т.САЙХАН
Ерөнхий сайд У.Хүрэлсүх өчигдөр /10.08/ Баянхонгор-Алтай чиглэлийн 126,7 км хатуу хучилттай автозамын хөдөлгөөний нээлтийн ёслолд оролцлоо. Тэрээр энэ үеэр "20 гаруй жилийн өмнө эхлүүлсэн Мянганы замын төслийн хэвтээ тэнхлэгийн автозам гүйцлээ. Энэ зам ашиглалтад орсноор нийгэм, эдийн засгийн олон сайн үзүүлэлт, үр өгөөжийг дагуулах юм. Иргэд, зорчигдын аюулгүй байдал, ая тухтай байдлыг хангаж, техник, эдийн засгийн хувьд хэмнэлт авч ирэх нь гарцаагүй" гэж мэдэгдлээ. "Мянганы зам" төслийг Монгол Улсын гурав дахь Ерөнхийлөгч Н.Энхбаяр санаачлан хэрэгжүүлж эхэлсэн билээ. Улмаар 2016-2020 онд Монгол Улсын Засгийн газрын үйл ажиллагааны хөтөлбөрийн хүрээнд 17 аймгийн 95 сум, 5 хилийн боомтыг Улаанбаатар хоттой хатуу хучилттай автозамаар холбоод байна.
Эх сурвалж:www.polit.mn