Т.САЙХАН

Орон нутгийн сонгуулийн сурталчилгаа өнөөдөр /09.30/ орон даяар албан ёсоор эхэллээ.   Намууд сонгуулийн нээлтээ  хийж, нэр дэвшигчиддээ үнэмлэхийг нь гардуулав.  Энэ үеэр  МАН гишүүддээ арай өөр батламж гардуулжээ.   Энэ нь сонгуулийн ялалтын батламж гэнэ.   МАН орон нутгийн сонгуульд  ялахаа яаж мэдээд байна вэ.   Иргэдийн өмнөөс санал өгчихнө гэдгээ зарлаад байна уу. Сонгуулийн дүн бол сонгогчийн эрх цаашлаад Монгол Улсын Үндэсний аюулгүй байдлын асуудал.  Гэтэл нэг нам нь сонгуулийн сурталчилгаагаа эхлүүлэхдээ л ялалтаа зарлаж, батламж гардуулдаг боллоо.  Өнгөрсөн парламентын сонгуулийн дүнд иргэд болоод улс төрийн намууд, бие даан нэр дэвшигчид, Төрийн тэргүүн хүртэл эргэлзэж буйгаа илэрхийлсэн.  Тэр эргэлзээ тайрагдаагүй байхад орон нутгийн сонгууль болж буйгаараа онцлог юм.  Тэгвэл МАН орон нутгийн сонгууль эхлэхдээ зэрэгцэн ялалтын батламж гардуулж, аархав.  Тэд ялна гэдгээ яаж мэдээд байна вэ.   Үүнээс үзэхэд өмнөх сонгуулийн луйвар дахин давтагдана шүү гэдгээ л МАН сонгуулийн сурталчилгааны эхний өдрөөс зарлачих шиг боллоо. 

 Эх сурвалж:www.polit.mn