Т.САЙХАН

УИХ-ын гишүүн Н.Наранбаатар нүүрс тээвэртэй холбоотой асуудлаар мэдээлэл өглөө.   Тэрээр " Цар тахлын үед экспорт өмнөх үеэс хоёр дахин буурсан байсан бол Ногоон гарц журмыг хэрэгжүүлж эхэлснээр Өмнөговь аймгийн Гашуунсухайт, Шивээхүрэн боомтын экспорт сэргэж, хэвийн байдалдаа орсон. Тухайлбал, Гашуунсухайт боомтоор өчигдөр гэхэд 1279 автомашин гарсан нь өмнөх хэмжээнд хүрсэн байна.  Шивээхүрэн боомтоор 570 машин гарсан нь өмнөх хэмжээндээ хүрээд байна.  Ногоон гарц журмын онцлог нь жолооч нар урьдчилан коронавирусын шинжилгээ өгсний дараа хоёр улсын боомтод тусгай заасан бүс нутгаас гарахгүй тээвэрлэлт хийх боломжийг олгож байгаа юм.  БНХАУ-ын талаас жолооч нарт зориулсан буудлыг шийдсэн. Энэ нь нэг жолооч 170-180 юанийн үнэтэй. Эхэндээ БНХАУ-ын цагдаа, боомтынхон жолооч нарыг дэглэсэн асуудал гарсан. Энэ асуудлын шалтгаан нь гурван жолооч тусгаарлалтын журам зөрчиж, алга болсон тул үлдсэн жолооч нарын паспортыг тулгасан гэсэн тайлбар өгсөн.  Жолооч нартай уулзсан. Өнгөрсөн жил Зам тээврийн сайдын гаргасан тушаалын дагуу нэг тонн нүүрсийг үнэлсэн нь түүнд хүрэхгүй бага гэрээ хийсэн компани ачилт хийж байгааг эсэргүүцсэн юм билээ. 

Тээвэрчдийн гаргасан шаардлага саналыг дэмжиж, нийгмийн асуудал, шаардлагыг дэмжиж холбогдох хүмүүст үүрэг чиглэл өгөх хүсэлтийг Засгийн газарт хүргүүлсэн" гэлээ. 

Эх сурвалж:www.polit.mn