С.САРУУЛ

Улсын Онцгой комиссын хуралдааны шийдвэрийн талаар Уул, уурхай хүнд үйлдвэрийн сайд Г.Ёндон "Шинэ төрлийн коронавирусын халдвараас урьдчилан сэргийлэх зорилгоор 2020 оны хоёрдугаар сарын 1-ний өдрөөс Монгол Улс, БНХАУ хоорондын хилийн боомтуудыг хаасан. Харин хоёрдугаар сарын 26-ны өдрийн УОК-ын шийдвэрээр уул уурхайн бүтээгдэхүүнийг онцгой нөхцөл байдалд тухай үүрэг даалгавар өгсөн байдаг. Эхний хагас жилийн байдлаар уул уурхайн гол бүтээгдэхүүн болох нүүрс, газрын тосны бүтээгдэхүүний экспорт их хэмжээгээр тасалдаж байгаа. Оны эцэст экспортын гүйцэтгэл нэлээд тасалдах төлөв үүссэн. Тиймээс 2020 оны долдугаар сарын 20-22-нд УИХ-ын даргаар ахлуулсан ажлын хэсэгт Зам, тээврийн хөгжлийн сайд болон миний бие багтан Дорноговь, Өмнөговь аймагт ажиллан бүтээн байгуулалттай танилцахын зэрэгцээ Гашуунсухайт боомтод ажилласан. Гадаад харилцааны яам, БНХАУ-ын ЭСЯ-ны яриа хэлэлцээр, хамтын ажиллагааны үр дүнд наймдугаар сарын 1-нээс "Ногоон гарц"-ын журам үйлчилж эхлэхээр болж байна. Энэ нь уул уурхайн бүтээгдэхүүний экспортыг эрчимжүүлэх хүрээнд жолооч нарын орох, гарах хөдөлгөөнийг зохицуулах тодорхой заалтууд багтсан журам юм. Ингэснээр уул уурхайн бүтээгдэхүүний экспорт мэдэгдэхүйц нэмэгдэх нөхцөл байдал харагдаж байна" гэлээ.

Эх сурвалж: www.polit.mn