Б.ДОЛЖИНЖАВ
Эрүүл мэндийн яамнаас коронавирусын тархалттай холбоотой ээлжит мэдээллээ хийлээ. Манай улсад өчигдөр нэг шинэ тохиолдол бүртгэгдэж, нийт 288 хүн халдвар аваад байна. Энэ талаар ХӨСҮТ-ийн захирал Д.Нямхүү “ХӨСҮТ-ийн хоёр, Дархан-Уул аймгийн салбар лабораторид 709 хүнд шинжилгээ хийхэд нэг хүнд вирус илэрлээ. Энэ нь Алтанбулагийн боомтооор орж ирсэн Казахстан улсын ачаа тээврийн жолооч юм. Өвчтөнийг ХӨСҮТ-д авчрах ажлыг эхлүүлээд байна. Өнөөдөр /2020.7.24/ ХӨСҮТ-өөс гурван хүн эдгэрч, дараагийн шатанд шилжлээ. Батлагдсан 288 тохиолдлоос 217 нь эдгэсэн. Одоо ХӨСҮТ-д 71 хүн эмчлүүлж байгаагийн 62 нь хөнгөн, ес нь хүндэвтэр байна.” гэлээ. Харин дэлхий дахинд 15.3 сая хүн халдвар авч, 630 мянга орчим хүн нас баржээ. Сүүлийн 24 цагт 247 мянган хүн шинээр өвчилж, 7000 гаруй хүн нас барсан. байна.
Эх сурвалж: www.polit.mn