Ч.ОЛДОХ
Ардчилсан намын даргын сунгаанд найман эрхэм бүртгүүлжээ. Гэвч сунгааг хойшлуулан дүрмийн асуудал хэлэлцэх явцад өөрчлөгдөх магадлал бий. Одоогоор Ц.Оюунгэрэл, Лу.Гантөмөр, Х.Тэмүүжин, О.Амартүвшин, М.Тулгат, Д.Мөнх-Эрдэнэ, УИХ-ын гишүүн О.Цогтгэрэл, О.Цэрэнбат, УИХ-ын гишүүн Ж.Батсуурь нар бүртгүүлсэн гэсэн мэдээлэл байна. Хамгийн эхэнд нэр дэвшихээ зарласан Ц.Оюунгэрэлийн хувьд УИХ-ын гишүүн, БСШУС”ын сайдаар ажиллаж байсан. Лу.Гантөмөр мөн УИХ-ын гишүүн, БСШУ-ны сайд байсан. Х.Тэмүүжин УИХ-ын гишүүн, ХЗДХ-ийн сайдаар ажиллаж байсан. МХАҮТ-ын тэргүүн О.Амартүвшин, АН-ын ҮБХ-ны гишүүн асан Хөх хотын консул асан Д.Мөнх-Эрдэнэ, УИХ-ын гишүүн О.Цогтгэрэл, “Хэвтүүл” хөдөлгөөний зохицуулагч О.Цэрэнбат нарын хувьд намын даргын сунгаанд шинээр орж ирж байгаа. Харин АН-ынхан дотор мерит зарчим, намын ажлын мэдлэг туршлагыг харвал УИХ-ын гишүүн Ж.Батсуурь Сүхбаатар аймгийн АН-ын даргаар ажиллаж, найман жил Засаг даргын албыг хашсан. Өнгөрсөн жилүүдэд Ерөнхийлөгчийн зөвлөхөөр ажиллаж, саяын сонгуулиар УИХ-ын гишүүн болсон. Түүнчлэн БЗД-ийн намын анхан шатнаас ИТХ-ын төлөөлөгч болж, дүүрэгтээ УИХ-ын гишүүдээс илүү танигдсан, төлөвлөгөөтэй хүн хэмээн нэрлэгдэж байгаа М.Тулгат нарыг намын дарга байх боломжтой гэлцэж байна.
Эх сурвалж: www.polit.mn