Б.НАМУУНТАМИР

УИХ-ын 2020 оны ээлжит сонгуулийн санал хураалт Монгол Улсын 21 аймаг, есөн дүүрэгт өнөөдөр /06.24/ 07.00 цагт эхэлсэн. Санал хураалт орой 22:00 цагт дуусна. Тэгвэл УИХ-ын сонгуулийн 24 дүгээр тойргийн 14 дүгээр хэсэгт сонгуулийн ирц 12.56 цагийн байдлаар 32.6 хувьтай байсан бөгөөд нийт 810 иргэн саналаа өгсөн байна.

УИХ-ын сонгуулийн 24 дүгээр тойргийн 14-р хэсгийн ахлагч Л.Оюунчимэг “ Сонгогчдийн ирц энэ жил харьцангуй сайн байна. Залуучууд идэвхитэй оролцож байна. Урьд нь сонгогч ирээд шууд саналаа өгдөг байсан бол энэ жил цар тахлаас урьдчилан сэргийлэх үүднээс зай барих, ариутгал халдваргүйжүүлэлт хийх гэж цаг нилээд орж, очер дараалал нилээн үүсч байна. Мөн санал авах үйл ажиллагаанд одоогоор хүндрэлтэй зүйл алга. Манай хэсэг дээр саналын хуудсанд буруу тэмдэглэгээ хийх алдаа дөрвөн тохиолдол гарсан” гэлээ.

Мөн санал өгөх байранд иргэд саналаа өгөх гэж ирэхдээ бага насны хүүхдээ дагуулан ирэхийг хориглосон. Гэсэн ч сонгогчид бага насны хүүхдээ дагуулан ирж, хүүхдийг нь хэсгийн хорооны ажилчид тусгаарлаж, бидний ажилд хүндрэл учруулж байна. Үүнд иргэд маань хариуцлагатай хандаж, бага насны хүүхдээ дагуулж ирэхгүй байхыг онцгойлон анхааруулсан юм.

Эх сурвалж:www.polit.mn