Т.САЙХАН

ЭМЯ-наас өнөөдөр /06.23/ ээлжит мэдээллээ хийж, коронавирусын нөхцөл байдлыг танилцууллаа.

Коронавирус-Монголд

"Зургадугаар сарын 22-ны өдөр дөрвөн лабораторид нийт 426 хүн шинжилгээ хийхэд, үүнээс 424-т нь коронавирус илрээгүй. Харин хоёр шинжилгээнд коронавирус илэрлээ. Нурсултан-Улаанбаатарын онгоцоор ирсэн 26, 31 настай хоёр хүний давтан шинжилгээнд вирус илэрсэн тул ХӨСҮТ-ийн эмчилгээнд шилжлээ.   Мөн өнөөдөр ОХУ-аас ирсэн цэргийн сургуулийн таван оюутан 40 хоног эмчлэгдээд эдгэрч, өнөөдөр ХӨСҮТ-өөс дараагийн шатны ажиглалт руу шилжиж байна. Нийт батлагдсан тохиолдол 215 болж, эдгэрсэн иргэдийн тоо 158 болсон. Эмчилгээнд 57 хүн байгаа бөгөөд биеийн байдлыг үнэлбэл 51 нь хөнгөн, 6 нь хүндэвтэр байна " гэж ХӨСҮТ-ийн захирал Д.Нямхүү мэдээлэв. 

Коронавирус-Дэлхийд

216 улс оронд бүртгэгдэж, 9 сая 186 мянган хүн халдвар авч, 3.7 сая хүн эмчлэгдэж байна.

Коронавирус-ОХУ-д

ОХУ-д 7600 хүн шинээр халдвар авч, 95 хүн нас барлаа. Буриад, Тува, Чита хотод 40-150 хүн шинээр халдвар авлаа. 

Судалгаа: АНУ-ын нийт хүн амын 90 хувь нь коронавирусийн халдвар авах магадлалтай гэжээ. Иргэдээс гадуур болон автобусанд хүмүүс амны хаалтгүй явж байгааг анхааруулж, ЭМЯ-д гомдол гаргасан.

ДЭМБ-ын анхааруулга

АНУ өмнөд Ази болон бусад өндөр хөгжилтэй орнуудад тархалт өндөр хэвээр байна. Ялангуяа АНУ-д халдвар залуучуудын дунд голомтлон тархаж байгааг онцгой анхаарах ёстойг ДЭМБ-аас анхаарууллаа.

Эх сурвалж: www.polit.mn