Х.ОЮУНБОЛД

Венесуэлийн  Эдийн засгийн дэд сайд Тарек Эль Айсами “Өнгөрсөн бямба гаригт манай орны усан хилд Венесуэлийн түлшний хэрэгцээг хангах шатахуун ачсан Ираны газрын тос тээвэрлэсэн таван хөлөг онгоцны эхнийх нь ирсэн” гэж мэдээлжээ. Тэрээр “ Энэ усан онгоцнууд манай орны эдийн засгийн онцгой бүсэд зангуугаа хаясан” гэж твиттертээ жиргэсэн байна.  Каракаст Ираны газрын тос тээвэрлэгч хөлөг онгоцуудыг саатуулахын тулд АНУ зэвсэгт хүчнээ ашиглана гэж заналхийлсний дараа газрын тос тээвэрлэгч “Фортуне” хөлөг онгоцыг Венесуэлийн усан замын хүчний онгоцнууд, нисдэг тэрэгнүүд хамгаалан ирсэн байна. Венесуэл дэх Ираны Элчин сайдын яамнаас “Өнөөдөр урьд өмнөхөөсөө  ч илүү хоёр орны нөхөрлөл, ах дүү орны харилцаа хүчтэй, гүн болж бэхэжлээ. Эхний газрын тос тээвэрлэгч хөлөг онгоц ирэв. Хамгаалж ирсэн Венесуэлийн усан флотынхонд талархаж байна” гэж онцолжээ. Энэ түлш шатахуун ачсан хөлөг онгоц нь Тобаго болон Тринидадын хойд хэсгээр дайран гарсны дараа Каракасын цагаар 19:40 цагт Венесуэлд ирсэн гэж дагалдаж ирсэн “Рефинитив Эйкон” хөлөг онгоцноос мэдэгдсэнийг “Ройтерс” мэдээлэв. Мөн бусад “Форест”, “Петуниа”, Фахон”, “Клавел” гэсэн дөрвөн хөлөг онгоцыг ойрын өдрүүдэд Венесуэлд ирнэ гэж хүлээж байгаа аж. Энэ таван хөлөг онгоцонд нийт 1.53  сая баррель шатахуун, алкил  ачжээ.

 Эх сурвалж: www.polit.mn