С.САРУУЛ УИХ-ын гишүүн Ж.Батзандан, Л.Болд, Л.Оюун-Эрдэнэ, Т.Аюурсайхан болон  ТББ-ууд  2019.01.10-ны өдөр МАНАН дэглэмийн эсрэг бүх нийтийн жагсаал хийх талаар мэдээллээ. УИХ-ын гишүүн Т.Аюурсайхан "УИХ-ын дарга М.Энхболдыг ёс зүйн хариуцлага хүлээж УИХ-ын даргаас чөлөөлөгдөх хүсэлтээ гаргахыг бид 2018 оны арваннэгдүгээр сарын 18-нд шаардсан. УИХ-ын гишүүдийн олонх шаардлагаа тавьбал би хүлээж авахад бэлэн гэж М.Энхболд дарга өөрөө хэлсэн. Гэвч олонх шаардлагаа тавихаар хуулиа дагана гээд сууж байна. Бид 2019 оны нэгдүгээр сарын 10-нд хууль хяналтын байгууллагатай хамтран аюулгүй байдлаа хангаж дахин цуглаан хийнэ. Цаашдаа энэ тэмцлийг үр дүнд хүргэх, жагсаал, цуглаан, суултыг хийх болно" гэв. УИХ-ын гишүүн Ж.Батзандан "Энэ хэвлэлийн хуралд 30-аад төлөөлөл орж ирэх байсан ч танхим өгөөгүй учир  чадсангүй. Өвлийн хувцастай 3,000 хүн дахин жагсч  Төв талбайг дүүргэнэ. Энэ удаа талбай дээрээс тараад явахгүй. Гэр барьж улс төрийн суулт хийнэ. 200 гаруй хүн өлсгөлөн зарлах хүсэлтээ өгсөн. Гэхдээ энэ сарын 10-нд өлсгөлөн зарлах хурц хэлбэр рүү орохгүй .Нохой жилд эхлүүлсэн тэмцэл гахай жилд ялна. Монголчууд гахай жилд ялж ирсэн гэнэ. " гэлээ. Эх сурвалж: www.polit.mn