Төрийн ордон: Өнгөрсөн 7 хоногийн онцлох эшлэлүүд

Нүүр

Геополитик

Төрийн ордон: Өнгөрсөн 7 хоногийн онцлох эшлэлүүд

2019-01-05

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН Өнгөрөгч долоо хоногт улс төрийн хүрээнд гацалт үргэлжилсэн. Харин долоо хоногийн сүүлчээр Ерөнхийлөгчийн зүгээс УИХ-ын тухай хууль болон Дэгийн тухай хуульд өөрчлөлт оруулах хүсэлтийг УИХ-ын дарга М.Энхболдод хүргүүлсэн. Хуулийн төслийн гол санаа нь УИХ-ын гишүүдийн олонх нь УИХ-ын даргыг чөлөөлөх хүсэлт гаргавал түүнийг чуулганы хуралдаанаар хэлэлцэн шийдвэрлэх юм. Тиймээс энэ долоо хоногт улс төрийн хүрээнд энэхүү хуулийн төсөл нэлээд анхаарал татна. Гэхдээ энэ удаа өнгөрч долоо хоногт болсон үйл явдлуудаас онцлох эшлэлүүдийг хүргэж байна. Сангийн сайд Ч.Хүрэлбаатар: -Засгийн газрын харъяанд байдаг сангуудад шалгалт хийж байна. Удахгүй шалгалтын дүнг танилцуулна. Тариалан эрхлэлтийг дэмжих сангаас гэхэд 132 тэрбум төгрөгийн зөрчил илэрсэн.

УИХ-ын гишүүн С.Бямбацогт: - Засгийн газар, МАН ажил үүргээ гүйцэтгэж чадахгүй байна. Тиймээс үүргээ ухамсарлах хэрэгтэй. Үнэхээр чадахгүй байгаа бол заавал УИХ-ын гишүүд байгаад байх шаардлага алга.

ЗГХЭГ-ын дарга Г.Занданшатар:-Салхитын мөнгөний ордын үйл ажиллагааны цаана асар том сүлжээ бий. Хууль хяналтынхан болон хэвлэл мэдээллийнхнийг санхүүжүүлсэн асуудал бий.

Ерөнхийлөгчийн Тамгын газрын дарга З.Энхболд: -УИХ-ын даргыг огцруулахгүй. Огцруулна гэвэл Үндсэн хуулийн 66.2.4-өөр Үндсэн хуулийн Цэцийн дүгнэлт шаардахаар байгаа учраас Ерөнхийлөгчийн санаачилсан хуульд чөлөөлөх л асуудал тусгагдсан.

АН-ын бүлгийн дарга Д.Эрдэнэбат: -Хуульгүйгээр хийгдэж байгаа бүх зүйл төрийн эрхийг хууль бусаар авах гэж байгаатай ижил сонсогдоод байна. УИХ-ын гишүүд өөрийнхөө саналаар огцрох асуудал гарч ирлээ. Үүнийг ард түмний хүсэн хүлээж байгаа зүйл мөн болов уу гэж бодож байна. Энэ асуудлыг бид Даваа гаригт бүлгийн хурлаараа ярилцана.

УИХ-ын Тамгын газрын Ерөнхий нарийн бичгийн дарга Ц.Цолмон: -УИХ-ын даргын зүгээс Ерөнхийлөгчийн санаачилсан хуулийн төслийг яаралтай хүлээж авах нь зөв гэж үзсэн. Дэгийн тухай хууль өргөн барьж байгаа бол нарийн шаардлага тавигддаггүй.

МАН-ын бүлгийн дарга Д.Тогтохсүрэн: -УИХ-ын даргын чөлөөлөгдөж, огцруулах процесс арай л хатуу байгаа юм. Хуулиар их хамгаалагдсан. Ер нь парламентын засаглалтай орнууд хурал удирдах ёс зүйн болон хуулийн боломж байхгүй гэж үзвэл огцруулаад явдаг.