Т.САЙХАН

УИХ-ын өнөөдрийн /01.03/ чуулган мөн хуралдаж чадаагүй. Энэ талаар УИХ-ын гишүүн С.Бямбацогтоос тодрууллаа.  Тэрээр "Хувь гишүүний хувьд үнэхээр харамсаж байна. Намрын чуулган өндөрлөхөд сар хүрэхгүй хугацаа үлдэж байна. Энэ хугацаанд эдийн засаг, улс төрийн амьдралд томоохон өөрчлөлт авчрах асуудлыг хэлэлцэж чадсангүй. УИХ-ын гишүүд ард түмний өмнө тангараг өргөдөг. Өргөсөн тангарагтаа байж үнэнч төрийн үйл ажиллагааг тасралтгүй явуулах үүрэгтэй гэдгээ УИХ-ын гишүүд ухамсарлах хэрэгтэй. Бүлгийн дарга өнөөдрийн чуулганы хуралдаанаас завсарлага авсан. Оны өмнө хоёр талаас ажлын хэсэг гарч ойлголцох түвшний асуудлыг ярилцсан ч шийдэлд хүрээгүй.  Өнөөдөр бүлгийг үдээс хойш хуралдуулж уг асуудлаар ярилцъя гэсэн шийдэл гарч байх шиг байна. Үүнийг дэмжиж байгаа. Ард түмний итгэл, найдварыг хөсөрдүүлж байна. Засгийн газар нь, нам нь ажил үүргээ гүйцэтгэж чадахгүй байна. Тиймээс үүргээ ухамсарлах хэрэгтэй. Үнэхээр чадахгүй бол заавал УИХ-ын гишүүд байх шаардлагагүй" гэв.

Эх сурвалж:www.polit.mn