Н.ДАЯН Төрийн албаны зөвлөлөөс Үндэсний номын сангийн захирлын албан тушаалд томилогдох ажилтны сонгон шалгаруулалтыг зарласан байна. Номын сангийн захиралд өрсөлдөх хүмүүс хэл, соёл, номын сангийн мэргэжилтэй байхаас гадна соёл, урлагийн байгууллагад 15-аас доошгүй жил ажилласан байх шаардлага тавьжээ. Тиймээс Төрийн албаны зөвлөлийн 2013 оны 60 дугаар тогтоолоор баталсан “Төрийн үйлчилгээний албаны удирдах албан тушаалд томилогдох ажилтныг сонгон шалгаруулах журам”-ын гуравдугаар зүйлийг үндэслэн Үндэсний номын сангийн захирлын албан тушаалд томилогдох ажилтны сонгон шалгаруулалтыг нийтэд зарласан байна. Шалгаруулалт энэ сарын 12-ны 09:00 цагт болох бөгөөд доорхи байдлаар зохион байгуулах юм. Удирдах ур чадварын төвшингийн шалгалт /Хууль эрх зүйн чиглэлийн сорилын 60 хувьд нь  зөв хариулж, босго оноог хангасан иргэн дараагийн шалгалт /Мэдээллийн технологийн мэдлэгийн төвшин тогтоох шалгалт болон бичгийн шалгалт/-д орно/ Ярилцлагын шалгалт /Хөтөлбөр, төслийн танилцуулга хийх, мэдлэг, ур чадвараа нэмэлтээр илэрхийлсэн тухайн албан тушаалд томилогдох хүсэлт, чадавхийн талаарх өргөдлийн агуулга/ Ажлын байранд тавих шаардлага Сонгон шалгаруулалтад орох иргэн нь Төрийн албаны тухай хуулийн 10.1-д заасан ерөнхий шаардлага болон томилох эрх бүхий байгууллага, албан тушаалтны баталсан ажлын байранд тавих дараах шаардлагыг хангасан байна. Үндэсний номын сангийн захирлын ажлын байрны шаардлага:

Ерөнхий шаардлага	Үзүүлэлт	Ажлын байранд тавигдах шаардлага
	Боловсрол	Дээд боловсролтой, магистр, түүнээс дээш зэрэгтэй
	Мэргэжил	Хэл, соёл, номын сангийн мэргэжилтэй
	Мэргэшил	Соёлын менежментийн арга зүйг эзэмшсэн
	Туршлага	Соёл, урлагийн байгууллагад 15-аас доошгүй жил ажилласан байх
	Ур чадвар	Хамт олныг удирдан зохион байгуулах, 2-оос доошгүй хэл мэддэг, Компьютер интернэт чөлөөтэй ашигладаг
	Тусгай шаардлага	Нарийн түвэгтэй асуудлыг шуурхай, оновчтой зөв шийдвэрлэх чадвартай байх

хэмээн заасаан байна. Тус номын сангийн захирлын үүрэг гүйцэтгэгч МЗЭ-ийн шагналт, яруу найрагч Б.Ичинхорлоо нь 2016 оны есдүгээр сарын 19-нд Үндэсний номын сангийн захирлаар томилогдон өнөөг хүртэл ажиллаж байсан юм. Тэрээр АНУ-д ажиллаж, амьдарч байсан нэгэн аж. Эх сурвалж: www.polit.mn