Захид Хамида Куала-Лумпур хотын шүүхийн байранд аравдугаар сарын 18-нд

Д.АРИУН Малайз улсын Ерөнхий сайдын орлогчоор ажиллаж байсан Ахмад Захид Хамидийг засгийн эрхийг хүчээр авах гэсэн, авлига  болон мөнгө угаасан гэх хэрэгт  шүүхээс буруутгаж ял тулгалаа. Энэ нь сонгуульд ялагдсан түүний намынх нь хувьд хүнд цохилт болж байна хэмээн channelnewsasia.com мэдээлсэн байна. Хамидийг өөрийн удирдсан буяны сангаар болон Засгийн газрын захиалгат гэрээг байгуулахдаа хувьдаа хөрөнгө завшсан, мөнгө угааж хувьдаа хөрөнгө авсан зэрэг нийтдээ 46 удаагийн үйлдэлд буруутай гэж үзэж байгаа бөгөөд  хохирлын хэмжээ 114 сая рингит /27.4 сая доллар/ -ээр хэмжигдэж байгаа аж. Харин шадар сайд асан өөрийг нь буруутгаж байгаа хэргүүдийг хүлээн зөвшөөрөхгүй гэж сэтгүүлчидтэй уулзахдаа хэлсэн бол түүнийг дэмжигчид улс төрийн зорилгоор Ахмад Захид Хамидийг буруутгаж байна хэмээн эрх баригчдыг шүүмжилж байгаа юм. Ахмад Захид Хамиди нь одоо сөрөг хүчин болоод байгаа Нэгдмэл Малайзын үндэсний байгууллага (UMNO) намын тэргүүн юм. Эх сурвалж: www.polit.mn