Замын-Үүдэд хоногт 180000 бог мал эрүүлжүүлж, 5000-ыг нь экспортлоно

Нүүр

Геополитик

Замын-Үүдэд хоногт 180000 бог мал эрүүлжүүлж, 5000-ыг нь экспортлоно

2018-10-17

Нийтэлсэн: Админ

1 мин

ХУВААЛЦАХ

ЖИРГЭХ

С.САРУУЛ Дорноговь аймгийн Замын-Үүд суманд Засгийн газрын шийдвэрээр “Малын хорио цээрийн тусгаарлагдсан бүс” байгуулах бүтээн байгуулалт өрнөж байна. Ирэх оны нэгдүгээр сард ашиглалтад орох юм байна. БНХАУ-ын хамтарсан хөрөнгө оруулалтаар экспортод гаргах бог малыг эрүүлжүүлж, уурагжуулах нийт 600 га талбай бүхий 20 гаруй байгууламжтай цогцолборыг байгуулж байгаа юм. Зүүн бүсийн болон сонгогдсон 13 аймгаас үржлийн бус бог малыг татан төвлөрүүлж, 30-45 хоногийн хугацаанд эрүүлжүүлж, зориулалт бүхий тэжээлээр уурагжуулан нэмүү өртөг шингээн амьдаар экспортод гаргах юм. Тус тусгаарлагдсан бүс нь бүрэн хүчин чадлаар ажиллаж эхэлснээр 160 гаруй ажлын байр шинээр бий болж, хоногт 180000 бог мал тэжээж, өдөрт 5000 орчмыг экспортод гаргах боломжтой болно юм байна. БНХАУ-аас эрүүлжүүлж, уурагжуулсан бог малын махыг тогтмол авах хүсэлтээ илэрхийлээд байгаа аж. Эх сурвалж: www.polit.mn