Т.САЙХАН “Эрдэнэт” үйлдвэрийг  барьцаанд тавьж гадны банкнаас их хэмжээний зээл авсан хэргийг  хуулийн байгууллага шалгаж байгаа.  Өнгөрсөн хугацаанд хэрэгтэй холбоотой хэд хэдэн хүнийг баривчилсан. “ Жаст”-ын Ш.Батхүүгээс эхлээд тухайн үед “Эрдэнэт” үйлдвэрт газар, хэлтсийн дарга байсан эрхмүүдийг саатуулан  шалгаж буй.  Хамгийн сүүлд гэхэд  өнгөрсөн есдүгээр сарын 25-нд  “Эрдэнэт” үйлдвэрийн дарга асан  Ч.Ганзоригийг саатуулаад байна.  Эдгээр баривчилгаа нь хэргийн сэжүүр зангилаа тайлагдах дөхөж байгааг нэг талаар харуулж байна.   Нөгөө талаар Ч.Ганзоригийг шууд баривчилсан нь ямар нэгэн тохироотой асуудал ч байж мэдэх юм.  Ямартай ч тухайн  үед үйлдвэрийн даргаар ажиллаж байсан эрхмийг  саатуулчихлаа.  Одоо хэрэг цаашид яаж үргэлжлэх вэ гэдэг нь анхаарал татаж байна. Зүйгээр  бол  Төрийн өмчийн хорооны даргаар ажиллаж байсан  Д.Сугарыг шалгаж магадгүй байна.  Учир нь “Эрдэнэт” бол  Төрийн өмчит томоохон компани.  Гадны банкинд барьцаалагдсан асуудалд Д.Сугарын гарын үсэг ч байгаа гэсэн яриа бий.  Тиймээс энэ удаа Д.Сугар сугарч  үлдэх нь юу л бол. Эх сурвалж:www.polit.mn