Гэрэл зургийг: Ройтерс агентлаг, Ким Хон Жи

Х.ОЮУНБОЛД  Солонгос дахь НҮБ-ын командлал анх удаагаа Сөүл болон Пхеньянтай хилийн бүсийн зэвсгийг хурааж хоёр орны хоорондын найрамдлыг бэхжүүлэх талаар хэлэлцсэн  гэж Өмнөд Солонгосын Батлан хамгаалах яамнаас мэдэгдсэн байна. Энэ  нь өнгөрсөн сард хоёр талууд хамгаалалт сайтай хилийн зэвсгийг хураах алхмыг хөнгөвчлөх зорилгоор  НҮБ-ын командлалтай хийсэн гурван талт хэлэлцээртэй холбоотой ажээ. Үүнээс гадна хэлэлцээрт цэргийн сургуулилтыг зогсоох,хилийн орчим нисэх онгоцны буудал байгуулахаас зайлсхийх болон цэргийн бүсийг минагүйжүүлэх асуудал орсон байна. Панмунжом хотод болсон хаалттай хэлэлцээрт хоёр Солонгосын зэвсэгт хүчний хурандаа нар оролцсон гэж Өмнөд Солонгосын яамнаас гаргасан мэдэгдэлд дурджээ. Талууд энэ оны эцсээр  хилийн шугамын километрийн радиуст байгаа 11 заставыг буулгах аргыг эрэлхийлж байгаа юм. Мөн хоёр Солонгос энэ бүсэд тавьсан минийг энэ сарын эхнээс авч эхэлсэн байна. Мэдэгдэлд дурдсанаар энэ бүх арга хэмжээг сарын хугацаанд хэрэгжүүлнэ. Ингэснээр хил орчмын нутаг найрамдал тогтсон бүс нутаг болно гэжээ. эх сурвалж: europapress.es