-2019 оны Ерөнхийлөгчийн төсөв 4.6 тэрбум төгрөг байна.  Өнгөрсөн оныхоос буурсан. УИХ-ын дарга М.Энхболд чуулганы нээлт дээр төсвийг 10 хувь хэмнэх ёстой гэсэн уриалга гаргасан. Үүнийг бид дэмжээд 15 хувь хэмнэх ёстой гэсэн байр суурьтай байгаа.

 

-Ерөнхий сайд У.Хүрэлсүх хувьсгал хийх гэж гарч ирсэн.  Түүнийгээ төсвийн мөнгөнөөсөө эхлээсэй гэж хүсч байна.  Хэмнэсэн төсвөөрөө ХАА-ын салбараа босгомоор байна.

 

- Сэлэнгэ аймгийн Сүхбаатар суманд татварын хэлтсийн барилга нэг тэрбум 350 сая гэж байна.  Тэр барилгатай барилгагүй бид болоод байгаа.  Захиргааныхаа байранд үйл ажиллагаа явуулж болно. Төсвийг харахад баахан барилга контор байна. Үүнийг хэмнэж болно.

 

-ҮАБЗ анх удаа төсөв дээр хуралдсан. Ерөнхий сайд У.Хүрэлсүхэд төсөв дээр хэмнэлт гаргах шаардлага тавьсан.   Төсвөө эвдэж байгаа юм биш хэмнэлтэй хандаач ээ гэсэн санаа юм. Энэ асуудлаар санал нэгдсэн гэж бодож байна.

 

-Сонгуулийн тогтолцоогоо бид эргэж харахгүй бол болохгүй нь.  Нэг тойрог дээр хэдхэн жилийн өмнө нэг сая төгрөг төсөвлөдөг байсан бол одоо таван тэрбум болж өссөн байна.  Энэ бол бодит үнэн.

 

-Аж үйлдвэр байсан цагт улс орон хөгждөг гэдгийг би У.Хүрэлсүхэд маш ойлгомжтой хэлсэн.  Монгол орон бүтэхгүй байх, хөгжихгүй байх бодлого манай улсад маш гүнзгий хэрэгжиж байна.

 

-Би Засгийн газартайгаа л хамтрахгүй бол юу ч хийж чадахгүй байна.  Миний санаачилсан үйл хэрэг бүгд унаж байна.  Уул уурхай дамнасан компанийн захирлууд парламентад орж ирдэг жишиг тогтлоо.  Сүүлдээ Засгийн газарт ороод  бүх шийдвэрийг гаргаж байна. Үүнийг шинэчлэхгүй бол болохгүй.

 

-1992 онд Үндсэн хууль баталж байсан сайхан, сэтгэлтэй эвдрээгүй хүмүүс маань ийм байдаг үүснэ гэдгийг тооцоолоогүй. Уул уурхайг хэдхэн хүн аваад эргээд орлогоороо Монгол улсыг барьчихна гэж бодоогүй л байна.

 

-Улсын төсвийн бүрдүүлэлтээр  хоёрдугаарт бичигддэг “Эрдэнэс тавантолгой” компанийг 2015 онд  Хятадын “Шинхо” компанид 100 жилээр  шилжүүлэх асуудал УИХ-д орж ирсэн.  Үүнийг нэг бүхий 41 гишүүн эсэргүүцсээр байгаад авч үлдсэн.

 

-1,3 сая.ам доллар нэгэн хятад иргэний гэрээс олдлоо гэж байна.  Үүнийг би албаныхаа хүмүүсээс тодруулсан.  Ван, Ян гэдэг хоёр хятад иргэн нэгэн орд дээр хоорондоо мууцалдаад,  манай  шүүх хүчний байгууллагыг  талцуулж байна.  Бидний гэр оронд орж ирээд бидний баялагийг булаацалддаг боллоо.  Энэ бол эмгэнэл юм.

 

-МАН-ын 65 хүнтэй бүлгийн гишүүдийн шийдвэрээр Үндсэн хуулийн өөрчлөлтийг хийж болохгүй.  Тэдний гуравны хоёр нь бараг л уншихгүйгээр кноп дарна.  Тэгэхээр энэ өөрчлөлтийг ард түмнээс асуух ёстой.

 

-Анх удаа Тавантолгой, Ухаа худагтай холбоогүй хүмүүс төрийн гурван өндөрлөгт байна.  Иймээс энэ бүгдийг хөдөлгөх шийдвэр гаргалаа.  Би Ганхуягт “Ийм гайхамшигтай орд дээр очлоо. Үүнийг ард түмэнд тэгш хуваарилна шүү” гэдгийг хэлсэн.

 

-Даван овоолсон шороо минийх биш.  Миний үед төмөр замын бодлого батлагдсан.  Дараагийн сонгуулиар Л.Гансүх сайдаар очсон. Тэр үед бондоос 280 сая. ам доллар өгсөн. Түүгээр далан босгосон.  Одоо энд мөнгө хэрэгтэй.  Ийм л асуудал яригдаж байгаа.

Эх сурвалж:www.polit.mn