ОХУ-ын хамгийн үзэсгэлэнтэй тосгоны нэг нь Буриадын Ярикто

Нүүр

Дэлхийн улс төр

ОХУ-ын хамгийн үзэсгэлэнтэй тосгоны нэг нь Буриадын Ярикто

2018-10-05

Нийтэлсэн: Админ

1 мин

ХУВААЛЦАХ

ЖИРГЭХ

Ярикто тосгон

Д.ЭНХЭЭ Буддын шашинтнуудын мөргөл үйлддэг газрын ойролцоох Ярикто улус (тосгон) “Оросын хамгийн үзэсгэлэнтэй тосгон”-ны статус хүртсэн тухай Буриадын аялал жуулчлалын яамнаас өнгөрсөн баасан гарагт ТАСС агентлагт мэдээлжээ. “Оросын хамгийн үзэсгэлэнтэй тосгон, хотхон” хэмээх Бүх оросын ассоциаци гайхамшигтай түүх-соёл, байгалийн өв бүхий олон арван суурин газрыг нэгтгэдэг. Ассоциацийн ажлын зорилгын нэг нь өвөрмөц онцлог, түүхэн ховор нандин байдлаа хадгалсан хоёр мянгаас илүүгүй хүн ам оршин суудаг тосгон, суурин зэрэг газраар хөдөөгийн аялал жуулчлал хөгжүүлэх явдал ажээ. “Улус Яриктод статус олгох ёслол боллоо. Тосгон руу орох босгон дээр оршин суугчид нь өвөрмөц ахуй, ёс заншил, уламжлал, соёлын дурсгал, байгалийн өвийг хадгалж үлдсэнийг баталгаажуулсан тэмдэгийг байрлуулсан” хэмээн тус яамны мэдээнд онцлов. Улус Ярикто Баргузины нурууны хормойд Баргузины авто замын дагуу байрладаг. Тосгоноос холгүй хамгийн их шүтэн биширдэг эх хүүхэд, урлаг, цэцэн мэргэний Янжмаа бурхны гараар бүтээгээгүй гэгээн дүр бүхий асар том чулуу байдаг. Энэхүү гэгээн дүрийг 2005 онд Оросын Буддын уламжлалт шашны лам нар олсон юм байна. Тэр цаг үеэс бурхны гэгээн дүр оршин буй Баргузины район үр хүүхэд заяагаагүй хосууд бурхны гэгээн дүрээс эцэг, эхийн жаргал эдлүүлэх тусламж хүсч мөргөл үйлддэг газар болж хувирчээ. Улус Ярикто Оросын хамгийн үзэсгэлэнтэй тосгоны статус хүртсэн Буриадын дөрөв дэх тосгон болжээ. 2016 онд энэхүү жагсаалтад Десятниково тосгон, 2018 оны долдугаар сард оршин суугчид нь хуучны ёс заншлаа хадгалсан Большой Куналей тосгон мөн багтаж байжээ. Эх сурвалж: www.polit.mn

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

1 цаг 28 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

4 цаг 52 мин