Х.ОЮУНБОЛД Их Британийн Гадаад харилцааны сайд асан Борис Жонсон “Телеграф” сонинд нийтэлсэн нийтлэлдээ Европын холбоо  Лондонг  үл тоомсорлон харьцаж байгаа нь тодорхой байна гэж  мэдэгджээ.  Тэрээр “ Их Британийн үндсэн хууль өөрчлөгдөнө гэж найдаж Европын холбоо биднийг үл тоомсорлож байгаагаа нуухгүй байна” гэж бичсэн байна.  Харин хэвлэлийнхэн талууд  Европын холбооноос Их Британийг гарахыг зөвшөөрсөн хэлэлцээр байгуулсан гэж мэдээлсэн юм. Гэвч Лондон болон Брюссель энэ мэдээллийг баталгаажуулсангүй. Түүнчлэн  Хойд Ирландын хил болон ирээдүйд байгуулах худалдаа, гаальтай холбоотой асуудлаар Лондон, Брюссель зөвшилцөлд хүрэх хэлэлцээр саадтай байсаар байгаа юм.  Борис Жонсон Европын комисс Их Британийн Засгийн газарт хоёр зүйлийн аль нэгийг нь сонгох санал тавьсан байна. Тэрээр үүнийг нь ноён, бэрсээ хамгаалсан шатрын нүүдэлтэй зүйрлэжээ. Энэ бол энэ орныг боолчлох, хагарлыг гүнзгийрүүлэх, хараат байх, салан тусгаарлах болон Ирланд, Их Британийг эзэмшил газраа болгох гэсэн хоёр сонголттой доромжлол гэв. Түүнчлэн Борис Жонсон буруу сонголт хийвэл яг одоо түүнийг үгүйсгэх хэрэгтэй гэж хэлсэн байна. Үүнээс гадна Засгийн газар, ерөнхий сайд ч Ирландын хил болон гаалийг хянахтай холбоотой эхний хувилбарыг зөвшөөрч болохгүй гэж нэмж мэдэгджээ. Тэрээр Их Британийн Засгийн газрыг Ирландтай чөлөөтэй хиллэхийг зөвшөөрснийг шүүмжилсэн юм.  Тэд бидэнд түр хэрэглэсэн хэрэггүй үг гэж хэлсэн. Гэвч энэ нь эцэстээ Брикстийн гэрээг устгах арга болсон гэж онцлов. Үүнээс гадна Их Британи нь Европын холбооны гаалийн бүсэд байх гэрээ байгуулсан. Энэ нь худалдаа хийх зорилготой Их Британийг  Европын холбооны эзэмшилд байна гэж үзэж байгаа юм Эх сурвалж: mundo.sputniknews.com