Говийн цөлөөс динозаврын аварга том араг яс олжээ

Нүүр

Дэлхийн улс төр

Говийн цөлөөс динозаврын аварга том араг яс олжээ

2018-10-15

Нийтэлсэн: Админ

1 мин

ХУВААЛЦАХ

ЖИРГЭХ

Говийн цөл

© REUTERS/David Gray

Д.ЭНХЭЭ Япон, Монголын эрдэмтдийн баг говийн цөлд хийсэн хамтарсан судалгааны явцад аварга том динозаврын араг яс олжээ. Энэ тухай Jiji агентлаг мэдээлснийг ТАСС уламжилсан байна. Шинжээчдийн үзэж байгаагаар олдсон араг яс 70 сая жилийн тэртээ амьдарч байсан зауроподын бүлийнх байх магадлал маш өндөр байгаа аж. Эдгээр өвсөн тэжээлт динозаврууд юрийн болон цэрдийн галавын үед бүх тивд амьдарч байжээ. Тэдгээрийн биеийн урт 20 гаруй м, жин нь 15 – 30 хүрч болох юм байна. Динозаврууд хуурай болон байгалийн бусад эрс тэс нөхцөлд ажрахгүй амьдарч байжээ. Олдсон араг ясны хамгийн гол хэсэг нь тааз, түнхний болон сүүлний хэсэг бөгөөд дунд чөмөгний яс нь 1,55 м ажээ. Энэ бүс нутагт хийсэн малтлагаар олдсон цэрдийн галавын хожуу үеийн хамгийн том олдворын нэг хэмээн эрдэмтэд онцлон тэмдэглэж байна. Судалгаа шинжилгээний явцад тэд ортиноподын бүлд хамаарах хоёр хөлт өвсөн тэжээлт динозаврын ул мөрийг эрж олсон байна. Түүний хэмжээ 86 х 115 см буюу малтлаг хийсэн бүх үеийн түүхэн дэх хамгийн том үзүүлэлтэд дөхөж очжээ. Уг динозавр сүрэг дотроо нэлээн том, урт нь 17 м байх магадлалтай байгаа нь нийтээр сайн мэдэх махан тэжээлт тираннозавраас 5 м – ээр илүү аж. Үүнээс өмнө японы хамгийн хойд хэсгийн Хоккайдо арлын судалгаа шинжилгээний багийнхан гадрозаврын бүлд хамаарах динозаврын ясыг танилцуулсан бөгөөд тэдний нотолж байгаагаар хамгийн бүрэн бүтнээрээ олдсон олдвор ажээ. Уг араг яс нийт 157 жижиг хэсэг яснаас бүрддэг юм байна. Эх сурвалж: www.polit.mn

ХШТХ: Оюу толгойн үр өгөөжийг 3 жил тутам харилцан хянахыг дэмжив

Хянан шалгах түр хорооны өнөөдөр /2026.12.24/-ийн хуралдаанаар Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэх хүрээнд хийсэн тусгай шалгалт, сонсголын мөрөөр авч хэрэгжүүлэх арга хэмжээний тухай УИХ-ын тогтоолын төслийг хэлэлцлээ.

1 цаг 34 мин

Ундны ус гүн цэвэршүүлэх болон хаягдал ус дахин боловсруулах үйлдвэрийн туршилт тохируулгын ажлыг хийж байна

Монгол Улсын Засгийн газар, АНУ-ын Мянганы сорилтын корпорац хооронд 2018 оны 7 дугаар сарын 27-ны өдөр байгуулсан Мянганы сорилтын хоёр дахь Компакт гэрээгээр “Улаанбаатар хотын нийт ус хангамжийг нэмэгдүүлэх хөтөлбөр”-ийг АНУ-ын Засгийн газрын 350.0 сая ам. долларын буцалтгүй тусламж, Монгол Улсын Засгийн газрын 111.7 сая ам. долларын хөрөнгө оруулалтаар хэрэгжүүлж байна. Компакт гэрээ 2026 оны гуравдугаар сарын 31-ний өдөр дуусгавар болно.

4 цаг 58 мин