Ц.БАЯР Хөвсгөл аймаг энэ жилийг “Амьдрах орчноо сайжруулж, ахмад настанаа” дэмжих жил болгон зарлажээ. Аймгийн ИТХ-аас  энэ жил   ахмадын хорооны үйл ажиллагаанд дэмжлэг үзүүлэх, ахмад настан, хөгжлийн бэрхшээлтэй иргэдэд нийтийн тээврийн үйлчилгээг үнэ төлбөргүй үзүүлсэн байна. Мөн ахмадын асрамж сувиллын газруудыг өргөтгөх зорилгоор барилга байгууламж худалдан авахад зориулж шаардагдах төсвийг баталжээ. Түүнчлэн “Ахмад настанд ээлтэй аймаг” 2020 он хүртэлх дэд хөтөлбөрийг ИХТ-аас баталсан нь улсын хэмжээнд жишиг болох хөтөлбөр болсон хэмээн ИТХ-ын дарга Л.Төмөрбаатар онцолж байна. Мөн жилийн ажлын хүрээнд аймгийн төсвөөс 150 сая төгрөг баталж ахмад настны урлаг, спортын наадам, анхдугаар чуулган зохион байгуулж, нийтийн тээврийн хэрэгслээр үнэ төлбөргүй зорчуулах, аливаа үйлчилгээнд дараалал харгалзахгүй хамруулах, орон гэргүй ахмадууад гэр орон олгох зэрэг ажлыг шийдвэрлэсэн байна. Түүнчлэн ахмад настны "Эрчим-1", Хөвсгөл нуурын эрэгт байрлах "Эрчим-2" амралт сувиллын газрыг 200 орчим сая төгрөгөөр өргөтгөж тохижуулжээ. Олон улсын ахмадын баярын өдрийг Хөвсгөл аймгийн удирдлагууд Хотгойдын шадар ван Чингүнжавын хөшөөнд цэцэг өргөснөөр эхлэв. Баярын арга хэмжээ спортын тэмцээн наадмаар аймгийн бөхийн өргөөнд үргэлжилсэн юм. Эх сурвалж:www.polit.mn