Б.ҮЕНЧ Энэ сарын 1-нээс /10.01/ иргэдийн мэдээллийн дагуу зөрчилд торгууль оноохоор болсон. Өөрөөр хэлбэл, замын хөдөлгөөний дүрэм зөрчсөн бүхий л төрлийн зурагтай мэдээллийн мөрөөр хариуцлага тооцох юм. Цагдаагийн байгууллагаас иргэдийн зөрчлийн мэдээллийг E-Police гар утасны аппликейшнаар хүлээн авч гэмт хэрэг, замын хөдөлгөөний зөрчил, тээврийн хэрэгслийг түр саатуулах нүүн шилжүүлэх мэдээллийг хүлээн авах юм.Ингэхдээ иргэд гар утасныхаа камераар зөрчлийн мэдээллийг фото хэлбэрээр байршуулан төв серверт мэдээлэх юм. Нэг зүйлийг анхааруулахад зөрчил гаргаад удсан, эсвэл арга хэмжээ тооцогдсон зөрчлийн тухай зургийг дахин илгээх, фотошопоор хуурамчаар илгээх гэх мэт аргуудаас сэргийлэхийн тулд зөвхөн тухайн газар дээрх зургийг илгээх байдлаар зохицуулжээ. E-Police аппликейшныг бүх төрлийн ухаалаг утсанд татаж авах боломжтой. Android болон IOS үйлдлийн системтэй гар утасны “Play store”-д өнөөдрөөс эхлэн байршиж эхэлжээ. Тус аппликейшн нь хоёр төрлийн зураг дарах бөгөөд тээврийн хэрэгслийн дүрэм зөрчиж буй байдлыг тэр чигт нь үзүүлэх, тухайн тээврийн хэрэгслийн улсын дугаарыг өгөгдсөн хүрээнд харуулах байдлаар зураг дарах ёстой. Ингэснээр зураг баталгаажиж, замын хөдөлгөөний удирдлагын төвд мэдээллийн төвд таны мэдээлэл очино. Эх сурвалж: www.polit.mn