Б.ТУУЛ Завхан аймгийн ерөнхий боловсролын сургуулийн ахлах ангийн сурагчид “Зөв тэмүүлэл-Эх оронч манлайлал” хөтөлбөрт амжилттай хамрагдаж, эцэг, эхчүүд болон нутгийн иргэд, сум орон нутгийн удирдлагуудад юу сурч мэдсэнээ тайлагнав. Уг арга хэмжээний хаалтын үйл ажиллагаа энэ  сарын 20-нд  болж, Завхан аймгийн 24 сумын 1200 гаруй хүүхдүүд цэргийн үзүүлэх тоглолт хийж шилдгүүдээ тодруулсан юм. Хагас цэрэгжилтийн байдалтай энэхүү сургалт 14 хоногийн хугацаатай зохион байгуулагдсан бөгөөд энэ үеэр Завхан аймгийн хэмжээнд есөн бүсэд нэгэн зэрэг сургалт явагдаж цэрэг марш тактикийн тэмцээн зохион байгуулах, X,XI,XII ангийн сурагчид бие хамгаалах урлагт суралцах,  нийгэмд тустай бүтээн байгуулалтад оролцох,  олны танил хүмүүсийн цуврал лекц, урлаг соёл, спортын үйл ажиллагааг тус тус зохион байгуулсан байна.  Сургалтын ач холбогдлыг оролцогч хүүхдүүд болон эцэг, эхчүүд багш нар өндрөөр үнэлж байв. Эх сурвалж: www.polit.mn