Х.ОЮУНБОЛД АНУ-ын эрх баригчид Москватай гарын үсэг зурж байгуулсан цөмийн  зэвсэг хураах  гэрээг хянах болон цөмийн зэвсэггүй байх гэрээний хугацааг сунгахгүй байх  боломжийг судалж байна. Энэ талаар цөмийн  мэргэжилтэн  АНУ-д атомын зэвсгийн хөтөлбөрөө тодорхойлох, шинэ гэрээ байгуулах хугацаа байгаагүй гэдэгт эргэлзэж байгаагаа  илэрхийлжээ. Харин Вашингтон  ОХУ-тай байгуулсан гэрээний хугацааг сунгахгүй байх боломж байгаа. Учир нь ОХУ шинэ атомын зэвсгийн туршилт хийсэн болон гэрээг зөрчсөн бусад алхмыг хэрэгжүүлсэнтэй холбоотой гэж мэдэгдсэн байна. Хугацааг нь сунгахаас татгалзах асуудал тулгараад байгаа гэрээний тоонд 2009 онд байгуулсан стратегийн зэвсгийг хорогдуулах болон 1987 онд ЗХУ,АНУ байгуулсан холын болон дундын зайн пуужинг устгах гэрээ орсон байна. АНУ-ын Олон улсын аюулгүй байдал, Зэвсгийн хяналт хариуцсан орлогч сайд Андреа Томсон АНУ-ын Засгийн газар гэрээг дахин байгуулахаас татгалзаж байгааг нотолжээ. АНУ ОХУ-ыг стратегийн зэвсгийг хорогдуулах гэрээгээр хүлээсэн болзлоо биелүүлэхгүй байна гэж буруушааж байгаа юм. Вашингтоны зүгээс  мэдээлснээр ОХУ гэрээгээр үүссэн  хуулийг зөрчиж олон төрлийн зэвсгийг үргэлжлүүлэн хөгжүүлсэн хэвээр байна. Түүнчлэн Андреа Томсон ОХУ Дамаскт тусламж үзүүлсэн болон Скрипайлыг хордуулсан хэрэгт оролцсоноо хүлээн зөвшөөрөөгүйгээрээ гэрээг зөрчсөн гэж хэллээ. Эх сурвалж: “Зууны мэдээ” сонин