Т.САЙХАН Нийслэлийн МАН-ын Бага хурал завсарлалаа. Бага хуралд саналын эрх бүхий 369 төлөөлөгч оролцохоор бүртгүүлсэн хэдий ч 338 нь хүрэлцэн иржээ. Хурал даргалагчаар МАН-ын Бага хурлын гишүүн Г.Мөнхбаяр ажиллаж байгаа юм. МАН-ын Удирдах зөвлөл өчигдөр хуралдаж, Нийслэлийн Засаг дарга С.Батболдыг Нийслэлийн МАН-ын даргад өрсөлдүүлэх шийдвэр гаргасан.  Нийслэлийн МАН-ын хорооны гишүүн Ц.Мөнх-Оргил “Бага хурал одоогийн байдлаар хэлэлцэх асуудлынхаа талд орсон байгаа. Сая Нийслэлийн МАН-ын хорооны үүрэг гүйцэтгэгч с.Бтаболдын ажлын тайлан, Хяналтын хорооны тайланг сонслоо. Нийслэлийн намын анхан шатны байгууллагаас ирсэн төлөөлөгчид санал бодлоо хэлж байна. Хамгийн гол намын эв нэгдлийг бэхжүүлмээр байна. Мөн улс орны өмнө тулгамдаад олон асуудлуудад Нийслэл хэрхэн анхаарч ажиллах ёстой гэдэг дээр төлөөлөгчид саналаа хэлж байна. Бүх асуудлаар санал нийлэхгүй байгаа нь үнэн. Гэхдээ эрүүл, амьд хурал болж байна. Нэр дэвшигчдийн талаар тодорхой мэдээлэл алга. Заалнаас нэр дэвших эрх нээлттэй байгаа” гэв. Эх сурвалж:www.polit.mn