Д.ЭНХЭЭ Сэргээшийн эсрэг дэлхийн агентлагийн (WADA) гүйцэтгэх хорооны есөн гишүүн Сэргээшийн эсрэг Оросын агентлагийн (РУСАДА) статусыг сэргээхийн төлөө санал өглөө хэмээн РИА Новости мэдээлжээ. Хоёр хүн татгалзаж, нэг хүн түдгэлзжээ. Хэсэг хугацааны дараа байгууллагын тэргүүн Крейг Риди энэ мэдээллийг баталгаажуулсан байна.   Мөн “WADA – гийн гүйцэтгэх зөвлөл олонхийн саналаар РУСАДА – гийн статусыг сэргээх шийдвэрийг холбогдох зөвлөмжийн хамт гаргалаа.”– хэмээн Twitter – т WADA – гийн албан ёсны аккаунтад дурджээ. Сэргээшийн эсрэг Москвагийн лабораторийн баримтыг танилцуулах хугацааг Оросын тал хэрэв зөрчвөл РУСАДА-гийнэрхийг дахин хасна –хэмээн WADAонцолсон байна. Арван хоёр хүний бүрэлдэхүүнтэй гүйцэтгэх хорооны хуралдаан Сейшелийн арлуудад болжээ. Асуудлын түүх Оросын хөнгөн атлетикчид сэргээш хэрэглэсэн эсэхийг мөрдөн шалгасан комиссын ажлын дүнг 2015 оны арваннэгдүгээр сардWADA авч хэлэлцээд РУСАДА сэргээшийн эсрэг дэлхийн кодексийн (дүрмийн) шаардлагыг хангахгүй байна хэмээн дүгнэсэн юм. Ричард Макларены ахалсан өөр нэг комисс дараа жилийн хавар нь ажиллаж, гаргасан тайландаа ОХУ-д “сэргээшийн тогтолцоо” гэх зүйл бүрдсэн юм байна хэмээн дурдсан. Үүний улмаас үндэсний шигшээ багийг бүрэн бүрэлдэхүүнээр Рио-де-Жанейрогийн Олимпийн тоглолтод оролцуулаагүй, Олон улсын паралимпийн гишүүнчлэлээс ОХУ-ын паралимпийн хороог хассан. Пёнчанд болсон 2018 оны өвлийн тоглолтод оросын тамирчдыг “ОХУ-аас ирсэн олимпийн тамирчид” гэх статустайгаар завсрын тугийн дор оролцуулсан. Ийм арга хэмжээ паралимпийн тамирчдад ч мөн адил хамаарсан. Агентлагийн статусыг сэргээхийн тулд WADA замын карт гэгчийг бэлтгэсэн бөгөөд үүний ихэнх заалтуудыг 2017 оны намар гэхэд биелүүлсэн байсан. Гэсэн хэдий ч Макларены комиссын дүгнэлтийг ОХУ хүлээн зөвшөөрөөгүй,мөн Сэргээшийн эсрэг Москвагийн лабораторийнбаримтыг танилцуулаагүй учир РУСАДА – гийн эрхийг WADAсэргээгүй байсан юм. Үндэсний агенлагийг гишүүнчлэлийг сэргээхийн тулд эвлэрэх саналыг WADAөнгөрсөн долоо хоногийн сүүлээргаргасныг ОХУ-ынСпортын сайд Павел Колобков хүлээн авсан. Есдүгээр сарын 14-нд WADA-гийн зохицуулах хороо РУСАДА-гийн эрхийг сэргээхийг зөвлөмж болгож байсан юм. Эх сурвалж:www.polit.mn