Х.ОЮУНБОЛД Кубын ерөнхийлөгч Мигель Диас Канель АНУ-тай харилцан яриа хийхэд бэлэн байгаагаа мэдэгдсэн байна. Гэхдээ энэ нь хоёр орон ижил тэгш эрхтэй байхаас гадна Вашингтоноос нөхцөл тулгаагүй тохиолдолд хийгдэх ёстой болохыг тодруулан хэлжээ.  Тэрээр өнгөрсөн дөрөвдүгээр сараас энэ албан тушаалаа хүлээж авмагцаа “TeleSUR” телевизэд өгсөн ярилцлагадаа ерөнхийлөгч Барак Обамагийн үед хоёр орны харилцаа сайжирсан. Гэвч Дональд Трамп АНУ-ын ерөнхийлөгч болсноор дахин муудсан гэж ярьсан байна. Үүнээс гадна Дональд Трамп арлын энэ орны эсрэг баталсан арга хэмжээг шүүмжилсэн юм. Мигель Диас Канель хэлэхдээ “Кубын Засгийн газрын тусгаар тогтнолыг үгүйсгэхгүй бол харилцан яриа хийхэд бэлэн байна.  Учир нь бидэнд өөрсдийн хүслийг  албадан тулгахыг хүлээн зөвшөөрөхгүй. АНУ-ыг бол бүр ч бага. Хэрэв АНУ-ын Кубын Засгийн газартай харьцах харьцаанд өөрчлөлт ороогүй тохиолдолд ямар ч яриа хэлэлцээр хийгдэхгүй болохыг онцлов. Нөгөө талаар арлын энэ орон  Кубад ажиллаж байсан АНУ-ын Элчин сайдын яамны ажилтнууд дуу чимээний өвчнөөр өвдсөн явдалтай ямар ч хамаагүй хэмээн мэдэгдсэн байна. Тэрээр бидэнд өөр бусад хүмүүс руу халдах ёс зүй байхгүй. Куба дайралт хийдэггүй, хамгаалж, хуваалцдаг нөхөрсөг орон гэжээ. Эх сурвалж: www.polit.mn