Л.ХЭРЛЭН “Хөхөөний үүр”  уянгын драмын уран сайхны кино удахгүй үзэгчдэд хүрнэ. Эх үрийн ариун нандин хүйн холбооны тухай өгүүлэх тус киног  “Кино Цамхаг” студийн залуус, Өмнөд хөршийн уран бүтээлчид хамтран бодит явдлаас сэдэвлэн бүтээжээ. Сүүлийн жилүүдэд үндэсний аюулгүй байдлын хэмжээнд яригдах болсон үр хөндөлт, хил давуулж хүүхэд худалдаалдаг гэмт хэргийн асуудлыг хөндсөнөөрөө онцлог юм.  Киноны ерөнхий продюссерээр жүжигчин Ө.Мөнгөнтулга, ерөнхий найруулагчаар Б.Цогт-Эрдэнэ, хөгжмийн зохиолчоор Б.Бат-эрдэнэ \Аранза\ нар ажилласэн байна. Киноны зохиолыг С.Баярсайхан, Б.Цогт-Эрдэнэ нар бичсэн бол гол дүрд залуу жүжигчин Р.Нандинцэцэг, туслах дүрд  Э.Пүрэвжаргал, ӨМӨЗО-ы жүжигчин С.Сайшингаа, Ж.Алтангуа, Б.Наянтай нар тогложээ. “Кино Цамхаг” студийн уран бүтээлчид өмнө нь  аймшгийн кино хийж үзэгчдийн хүртээл болгож байсан юм. Тэгвэл уянгын драмаар ур чадвараа харуулахыг зорьсон нь энэ юм. “Хөхөөний үүр” кино энэ сард нээлтээ хийх хамгийн их хүлээлт үүсгэсэн уран бүтээлээр нэрлэгдэж байна. Эх сурвалж: www.polit.mn