МУГТ Д. Сумъяа өнгөрсөн жил Будапештэд болсон жүдо бөхийн ДАШТ-ий 52 жингийн аварга

Х.ОЮУНБОЛД Азербайжан улсын нийслэл Баку хотод жүдо бөхийн насанд хүрэгчдийн  дэлхийн аварга шалгаруулах тэмцээн энэ сарын 20-27-нд болно. Найман өдөр үргэлжлэх энэ тэмцээн 14 жинд болон багийн төрлөөр явагдах юм. Тэмцээнд өнгөрсөн жил Будапештэд болсон дэлхийн аварга шалгаруулах тэмцээнд амжилттай оролцсон Бакугийн ДАШТ-д цолоо бататган барилдах олон улсын эрэгтэй, эмэгтэй тамирчдын жагсаалтыг “judonoticias.com” цахим хуудаст нийтэлжээ. -Монгол Улсын гавьяат тамирчин Д.Сумъяа 27 настай, 57 кг-д барилддаг. Өнгөрсөн жил Будапештэд болсон барилдаанд жиндээ түрүүлж аварга болсон. Энэ жил аварга цолоо хамгаалж барилдахаас гадна амжилтаараа дэлхийн бөхийн жагсаалтыг тэргүүлж байна. -Японы Фуна Тонаки 23 настай, жүдо бөхийн 48 кг-д барилддаг, 2017 онд Будапештэд болсон  жүдо бөхийн ДАШТ-ий аварга бөгөөд тэрээр чансаагаараа дэлхийн жүдо бөхийн жагсаалтын IV-т эрэмбэлэгдсэн байна. [caption id="attachment_46012" align="alignnone" width="556"] Японы бөх Фуна Тонаки, Ай Шишиме[/caption] -Японы Ай Шишиме нь 24 настай 52 кг-д барилддаг, Будапештэд өнгөрсөн жил болсон жүдо бөхийн ДАШТ-ий болон 2016 оны Азийн  ДАШТ-ий алтан медальтай. Энэ тэмцээнд цолоо хамгаалж барилдах бөгөөд чансаагаараа  дэлхийн жүдо бөхийн жагсаалтын X бичигдсэн. -Францын тамирчин Кларисс Агбеньену 63 кг-д барилддаг, өнгөрсөн жилийн аварга. 25 настай тэрээр чансаагаараа дэлхийн бөхчүүдийн жагсаалтын I  бичигддэг. Олон улсын чанартай тэмцээнээс есөн медаль хүртсэн  байна. -Японы бөх 24 настай Чизуру Арай 70 кг-д барилддаг. 2017 онд Будапештэд болсон тэмцээнд жиндээ түрүүлсэн. 2014 оны Азийн наадмын мөнгөн медальт, амжилтаараа дэлхийн бөхчүүдийн жагсаалтын VI байрт явж байгаа.  Бакуд болох тэмцээнд аваргаа хамгаалахаар барилдана. -Бразилийн Майра Агияр 27 настай, 78 кг-д барилддаг. 2017 оны дэлхийн аварга бөгөөд Бакуд болох тэмцээнд аварга цолоо хамгаалж оролцоно. Чансаагаараа дэлхийд V-д ордог. Зуны наадамд 2008-2016 онд оролцож медаль хүртэж байсан байна. Харин дээгүүр чансаатай бөхчүүдийн жагсаалтад энэ тэмцээнд барилдахгүй БНХАУ-ын 31 настай тамирчин Юй Сунгийн нэр бичигдээгүй байна. Энэ тэмцээнд аварга цолоо хамгаалж барилдах бөхийн тоонд чансаагаараа I бичигдсэн 2017 оны аварга  Японы 25 настай Наохиса Такато -60 кг-д, 21 настай Хифуми Абэ хасах 66 кг-д, 27 настай Сойчи Хашимото -73 кг-жинд аварга цолоо хамгаалж барилдана. Үүнээс гадна Германы 27 настай тамирчин, чансаагаараа 37-д бичигдсэн -81 кг-д Александр Вичерчак болон Японы 22 настай тамирчин Аарон Волф -100 кг-д өнгөрсөн жил авсан аварга цолоо хамгаалахаар оролцоно. Харин Бакуд болох тэмцээнд хоёр удаагийн аварга Францын жүдочин Тедди Ринер  2020 оны Токиогийн олимпод олимпийн цолоо хамгаалах зорилгоор оролцохгүй өнжинө гэдгээ мэдэгджээ. [caption id="attachment_46014" align="alignnone" width="870"] Японы 22 настай тамирчин Аарон Волф -100 жинд барилддаг.[/caption] [caption id="attachment_46015" align="alignnone" width="860"] Германы 27 настай тамирчин, хасах 81 жинд барилддаг Александр Вичерчак дэлхийн жүдо бөхийн жагсаалтад чансаагаараа 37-д бичигдсэн[/caption]   Эх сурвалж www.polit.mn