Ц.БАЯР

Италийн тэмдэглэлийн дэвтэр үйлдвэрлэгч Огами /Ogami/ шинэ төрлийн REPAP нэртэй цаас үйлдвэрлэн тэмдэглэлийн дэвтэр хийж зах зээлд нийлүүлсэн байна. Чулуун цаасны  түүхий эд нь кальцийн карбонат юм. Энэ нь гантиг, шохойн чулуу, доломит химийн чулуулагт байдаг түүхий эдүүд юм. Барилгын үйлдвэрлэлд ашиглагддаг эдгээр чулууны хаягдал нарийн ширхэгт нунтагийг цаас болгож боловсруулдаг технологи юм. REPAP цаасыг үйлдвэрлэхэд цаасыг цайруулагч шохой нэмж хэрэглэх ямар ч шаардлаггүйгээр давуу юм. Мөн мод, ус, газрын тосноос гаргадаг бусад химийн бодисууд ч хэрэггүй нь бүр ч гайхалтай. Огамигийн тэмдэглэлийн дэвтрийн давуу талыг дор тайлбарлавал:

Харин аливаа шинэ технологи, байгалийн нөөцийг хэмнэсэн бүтээгдэхүүн өөрийн өртөг өндөртэй байдаг юм байна. Чулуугаар хийсэн цааснаас гаргаж авсан нэг дэвтэр 25 евро байдаг ажээ. Харин байгальд ээлтэй, сайн үйлийг дэмжих ухамсар хандлага нь  хэдийн төлөвшсөн европын хэрэглэгчдийн дунд хэрэгцээ маш өндөр болоод байна. Модоор хийсэн цаасны хэрэглээнд их хэмжээний байгалийн нөөц, эрчим хүч,  мөнгө зарлагддаг. Тэгвэл чулуугаар цаас хийхэд зөвхөн байгалийн нөөцийн хаягдлыг ашигладаг. Ийнхүү хүчилтөрөгч үйлдвэрлэгч модоо хэмнэх технологи гаргаснаар дэлхийн хэмжээнд байгаль экологит асар их ач холбогдолтой сонин содон үйл явдал болжээ.  

Цаасны хэрэглээ

Хүмүүс наад зах нь өөрсдийн хэрэглээ, амьдралын хэв маягаа өөрийн болон улс орны эдийн засаг, байгаль орчинд ямар нөлөө үзүүлдэг талаар эргэцүүлж, үйлдэхүйдээ шүүмжлэлтэй хандахад суралцдаг. Зөвхөн цаасны талаар авч үзье л дээ.

Бидний хэрэглэдэг цаасыг үйлдвэрлэхэд хичнээн байгалийн нөөц буюу мод ашигладаг вэ?

Нэг  хуудас цаас үйлдвэрлэхэд 10 литр ус хэрэглэдэг гэж үзвэл нэг тонн цаас үйлдвэрлэхэд хичнээн эрчим хүч, ус, тос, будаг, цайруулагч болон шохой зэрэг химийн бодис хэрэглэдгийг тооцох аргагүй. Иймээс цаасыг аль болох хэрэглэхгүй байх, гамтай хэрэглэх байдлаар байгалийн нөөцөд хэмнэлттэй хандаж, ингэснээр өөрийн зардлыг хэмнэж болох юм. Нөгөө талаар цаасыг дахин  боловсруулж хэрэглэж болох боломжтой. Мөн дахивар болгон хэрэглэвэл бүр ч сайн. Өөрөөр хэлбэл цаасыг дахин боловсруулж ашиглаж болно. Нэг тонн хаягдал цаас дахин боловсруулахад 20 хувиар багасгасан дахин боловсруулсан цаас гарна. Таван удаа цаасыг дахин боловсруулж болдог ажээ. Гэхдээ л цаас үйлдвэрлэлийн явцад байгаль орчинд өөр ямар нөлөө үзүүлдгийг бас л бодууштай.

Нэг  тонн цаасыг дахин боловсруулснаар дараах нөөцийг хэмнэх ашигтай.

Эх сурвалж:www.polit.mn