2026 оны эхний найман сард БНСУ-ын Сөүл хотод ирсэн гадаадын жуулчдын тоо өнгөрсөн оны мөн үеэс 22 орчим хувиар өссөн бол тэдний картаар хийсэн гүйлгээний зарцуулалт бараг 60 хувиар өссөн гэж тус хотын захиргааны мягмар гарагийн мэдээлэлд дурдсаныг орон нутгийн хэвлэлүүд иш татжээ.

Сөүл хот нэгдүгээр сараас наймдугаар сарын хооронд 11.56 сая гадаадын жуулчдыг татсан нь өмнөх оны мөн үеэс 21.6 хувиар өссөн үзүүлэлт аж. Зээлийн картын зарцуулалт өмнөх оны мөн үеэс 59.9 хувиар өсч, 7.78 их наяд вон (5.8 тэрбум ам.доллар) болжээ.

Зөвхөн наймдугаар сард Өмнөд Солонгосын нийслэлд 1.72 сая гадаадын жуулчин ирсэн нь өмнөх оны мөн үеийн 1.4 сая жуулчнаас 23.3 хувиар өссөн үзүүлэлт аж.

Улс орноор нь авч үзвэл, наймдугаар сард Сөүлд ирсэн гадаадын жуулчдын 66.4 хувийг Хятад, Япон, Тайваниас ирсэн жуулчид эзэлжээ. Тодруулбал, Хятадаас 636,000 (36.9 хувь) жуулчин ирсэн үзүүлэлт нь жагсаалтыг тэргүүлж байна. Харин  Япон 322,000 (18.6 хувь), Тайвань 188,000 (10.9 хувь) жуулчиар удаалжээ.

Сөүл хотын захиргаа гадаадын жуулчдын картын зарцуулалтын хамгийн том хувийг худалдааны салбар буюу 46.6 хувь, дараа нь анагаах ухаан, эрүүл мэндийн салбар буюу 23.8 хувь, хоол хүнс, ундааны салбар буюу 13.2 хувь, байрны салбар буюу 10.4 хувь эзэлж байгааг тэмдэглэжээ.

Эх сурвалж: koreatimes