Англи эхээс хөрвүүлсэн Тоймч В.Ариунчимэг
RadioFreeEurope-ийн геополитикийн стратегичийн ярилцлага
Ираны зөрчил дөрөв дэх сардаа орж байгаа энэ үед дэлхий нийт Вашингтон, Техеран хоёр түр хэлэлцээрийг харилцан хүлээн зөвшөөрөх үү эсвэл Ойрх Дорнодод мөргөлдөөн улам гүнзгийрэх үү гэдгийг анхааралтай ажиглаж байна. Хоёр талын хэлэлцээнээс ямар үр дүн гарах нь тодорхойгүй хэвээр байна. 60 хоногийн хугацаатай гал зогсоож, дипломат харилцаагаа сэргээхээр яриа хэлэлцээ явж байгаа ч эдийн засгийн хориг арга хэмжээ, Ираны цөмийн хөтөлбөр, Ормузын хоолойг хянахтай холбоотой гол зөрчил дээр санал нэгдэх болоогүй байна.
RadioFreeEurope /Европын чөлөөт радио/ геополитикийн стратегич Тина Фордхэмтай хэлэлцээний төлөв байдал, хэлэлцээнд өгч буй зах зээлийн үнэлгээ, зөрчилдөөний геополитикийн үр дагаврын талаар ярилцлаа.
RadioFreeEurope /Европын чөлөөт радио/: Вашингтонд хүн бүр Цагаан ордноос мэдээ хүлээж байна. Бид энхийн хэлэлцээ өрнөх эсэхийг харж байна уу, эсвэл яриа хэлэлцээ стратегийн гацалт руу шилжих нөхцөл байдалд байна уу?
Тина Фордхэм: Удахгүй гарах шийдвэрийн талаар олон нийт маш их өөдрөг бодолтой байна. Ерөнхийлөгч Трамп удахгүй тохиролцоонд хүрнэ гэж мэдэгдсэнээс болоод олон нийт өөдрөг хүлээлттэй байгаа. Гэхдээ миний харж байгаагаар хоёр талын байр суурь хол зөрүүтэй байна. Иран, Америкийн аль аль нь мөргөлдөөнийг хурцатгахыг хүсэхгүй байгаа нь бодит үнэн. Аюулгүй байдал, батлан хамгаалах үүднээс авч үзвэл хоёр талын энэ байр суурь эргэлзээгүй эерэг зүйл юм. Гэхдээ Иран одоо ч Ормузын хоолойг хянаж, эндээс мөнгө олсоор байна. Зах зээлийн оролцогчид асуудлыг хурдан шийдэх нь гэж хэтэрхий өөдрөгөөр төсөөлж байх шиг. Магадгүй Трамп ч бас энэ сонирхол нь буурч эхэлсэн байж болох юм.
Дэлгэрэнгүйг: ЭНД дарж 2026.6.9 № 108 (7850) дугаарыг захиалан уншина уу.
Хуурамч мэдээлэл хаа сайгүй тархах болсон энэ үед баримттай, эх сурвалжтай, үнэн бодитой мэдээллийг “Зууны мэдээ” сониноос аваарай.
Үнэн мэдээллийг хамтдаа хамгаалцгаая.
Бие даасан сэтгүүл зүйг дэмжин "Зууны мэдээ" захиалаарай. www.zuuniimedee.mn
