Англи эхээс хөрвүүлсэн Тоймч В.Ариунчимэг

Geopolitical monitor сэтгүүлийн анализ, тойм

АНУ-ын Ерөнхийлөгч Дональд Трамп Гренландыг "худалдаж авах" санааг дахин илэрхийлэхэд, өдөөн хатгалга эсвэл хэлэлцээний заль мэх гэж үл тоомсорлож байв. Гэвч түүний тасралтгүй илэрхийлсэн байр суурь Америкийн үндэсний аюулгүй байдлын зайлшгүй шаардлага болж хувирсан нь нухацтай авч үзэхээс аргагүй асуудал болов. АНУ Гренландад аюулгүй байдлын байр сууриа аль хэдийн бэхжүүлж, цэргийн хүчээ нэмэгдүүлэх хууль ёсны эрх мэдэл, тус арлын нөөцийг ашиглах худалдааны эрх дархтай болсон. Тиймээс Гренландын бүрэн эрхийг шилжүүлж авах шаардлага стратегийн шинж чанартай биш зөвхөн процессийн шинж чанартай гэсэн үг.

Трампын сонгон авсан түүхэн баримт үнэндээ маш тодорхой байна. 1917 онд Данийн Хаант улс Данийн Баруун Энэтхэг буюу одоогийн Америкийн Виржинийн арлуудыг АНУ-д зарсан билээ. Энэ тохиролцоо нь зүгээр нэг газар нутгийн солилцоо биш байсан юм. Вашингтон энэхүү тохиролцооны нэг хэсэг болгон Данийн улс төр, эдийн засгийн ашиг сонирхлыг Гренландын бүх хэсэгт эсэргүүцэхгүй гэдгээ албан ёсоор мэдэгдэж, тус нутаг дэвсгэр дээрх Данийн бүрэн эрхийг олон улсын хэмжээнд хүлээн зөвшөөрөх замыг нээж өгсөн юм.  Гренландын хууль ёсны статусыг 100 гаруй жилийн өмнө Америкийн тодорхой зөвшөөрлөөр шийдвэрлэсэн гэсэн үг. Аюулгүй байдлын хувьд АНУ цэргийн оролцоогоо өргөжүүлэх өргөн эрхийг олгосон Данитай байгуулсан батлан хамгаалах гэрээний дагуу Гренландад цэргээ тэр даруй нь байршуулсан.

Дэлгэрэнгүйг: ЭНД дарж 2026.1.27 № 17 (7759) дугаарыг захиалан уншина уу.

Эх сурвалж: “Зууны мэдээ” сонин

2026 ОНЫ НЭГДҮГЭЭР САРЫН 27. МЯГМАР ГАРАГ. № 17 (7759)

Хуурамч мэдээлэл хаа сайгүй тархах болсон энэ үед баримттай, эх сурвалжтай, үнэн бодитой мэдээллийг “Зууны мэдээ” сониноос аваарай.

Үнэн мэдээллийг хамтдаа хамгаалцгаая.

Бие даасан сэтгүүл зүйг дэмжин "Зууны мэдээ" захиалаарай. www.zuuniimedee.mn