Ч.Бямбахажид

Монгол Улсын Ерөнхийлөгч У.Хүрэлсүх  УИХ-ын дарга Н.Учрал болон Засгийн газрын сайд нартай албан өрөөндөө уулзаж байна. Одоогоор ямар асуудал хэлэлцэж байгаа нь тодорхойгүй байна. Өнгөрсөн хэд хоногт улс орны өмнө тулгамдсан хэд, хэдэн ноцтой асуудал үүссэн. Тухайлбал, ДЦС-IV-т гэмтэл гарснаар сүүлийн долоо хоногийн турш эрчим хүчний хязгаарлалт хийхээс аргагүйд хүрсэн. Эрчим хүчний сайд Б.Чойжилсүрэн "Хөрөнгө мөнгөгүйгээс хуучирч муудсан станцуудаа шинэчилж чадахгүй байна, шинэ эх үүсвэр баръя гэхэд мөн л хөрөнгө мөнгө шаардлагатай" гэдэг асуудал хөндсөн. Тэгвэл дээрх салбарт хөрөнгө оруулалт хийж ирсэн ч тулгамдсан асуудлаа шийдвэрлэхэд зарцуулж чадсан уу, мөн тус салбарт удирдлагын түвшинд ажиллаж ирсэн албан тушаалтнууд нь авлига, албан тушаалын гэмт хэрэгт холбогдсон нь хариуцлага нэхэхээс аргагүйд хүрсэн. Дээр нь Дотоодын цэргийн 05 дугаар ангид хугацаат цэргийн албан хаагч зодуулснаас эрүү нь хугарч эмнэлэгт хэвтсэн нь Хууль зүй, дотоод хэргийн сайд Б.Энхбаяр салбартаа анхаарал хандуулж ажиллаж чадаж байна уу.  Сайдын албанд томилогдохоосоо өмнө нүүрсний хулгайч нарт хариуцлага тооцох тухай ярьсан, одоо ч энэ л асуудлаа хөндсөөр суугаа. Нэг ч албан тушаалтан хариуцлага хүлээгээгүй. Харин ч цэрэгт татагдсан залуус зодуулсан, мөн амь насаа алдсан харамсалтай хэргүүд болж, өнгөрсөн. Энэ мэт олон асуудал үүссэн тул төрийн тэргүүн сайд нартай уулзаж, чиглэл өгч байж мэдэх юм. 

Эх сурвалж: www.polit.mn