Англи эхээс хөрвүүлсэн Тоймч В.АРИУНЧИМЭГ

Geopolitical Monitor цахим сэтгүүлийн нийтлэл

Зүүн Өмнөд Азийн орнуудын холбоо буюу АСЕАН нь дэлхийн хагас дамжуулагч болон цахилгаан тээврийн хэрэгслийн батарейны үйлдвэрлэлд байр сууриа бэхжүүлэхийг чармайж байна. Одоогоор Малайз, Индонез, Тайланд улсууд дээр дурдсан хоёр салбарт өндөр өртөг шингээсэн үйлдвэрлэл рүү нэг мөр шилжих хүсэл эрмэлзлээ ил тод илэрхийлж, тодорхой амлалтуудыг өгч байгаа. Хагас дамжуулагч, цахилгаан электроник, батарей нь хиймэл оюун ухаан, сэргээгдэх эрчим хүчний систем, орчин үеийн батлан хамгаалах салбарт зайлшгүй шаардлагатай орц, түүхий эд учир улс орнуудын энэхүү хүчин чармайлт нь стратегийн ач холбогдолтой юм. Харин тус бүс нутаг одоо төлөвлөсөн төслүүд, зардлын бүтэц, үндэсний үйлдвэрлэлийн стратегиудад шууд нөлөөлдөг геополитикийн болон инженерийн дарамт шахалттай тулгарч байгаа юм.

2025 оны аравдугаар сард БНХАУ газрын ховор элементийн экспорт, боловсруулалттай холбоотой технологид тавьсан хяналтаа чангатгаж буйгаа зарласан. Энэхүү шийдвэр нь цахилгаан автомашины мотор болон хагас дамжуулагчийн тоног төхөөрөмжийн гол түүхий эд газрын ховор соронз, тусгаарлагч ислийн зах зээлийг богино хугацаанд хязгаарласан. Хэдийгээр Бээжин энэхүү хязгаарлалтаа хэсэгчлэн хойшлуулсан ч гэсэн өгч буй дохио нь тодорхой байв. Энэ нь чухал ашигт малтмал болон бусад газрын ховор элементийг нэг их анхааруулж, мэдэгдэхгүйгээр хязгаарлаж болно гэдгийг илэрхийлсэн үйлдэл болсон.

Үүний зэрэгцээ, АНУ болон түүний холбоотнууд хагас дамжуулагч үйлдвэрлэх тоног төхөөрөмжийн экспортод тавьж буй хяналтаа зах зээлийн төлөв байдалтай уялдуулан, зохицуулсаар байна. Цаашид экспортоо чангатгасаар байвал АСЕАН-ны нийт гишүүн улс орнуудын сав баглаа боодол, туршилтын шинэ байгууламжуудын өртөг, үйл ажиллагаанд шууд нөлөөлнө. Иймээс өндөр технологийг тойрсон стратегийн орчин тогтворгүй болж, дэвшилтэт электроникийн үйлдвэрлэл рүү тэлэхийг хүсэж буй компаниудад дарамт учруулж байна.

Дэлгэрэнгүйг: ЭНД дарж 2025.12.2 № 226 (7723) дугаарыг захиалан уншина уу.

Хуурамч мэдээлэл хаа сайгүй тархах болсон энэ үед баримттай, эх сурвалжтай, үнэн бодитой мэдээллийг “Зууны мэдээ” сониноос аваарай.
Үнэн мэдээллийг хамтдаа хамгаалцгаая.

Бие даасан сэтгүүл зүйг дэмжээрэй.

Таны итгэл, дэмжлэг биднийг хараат бус байлгадаг.