Т.САЙХАН

Ерөнхий сайд Г.Занданшатар МАН-ын Их хуралд мэндчилгээ дэвшүүллээ. 

Тэрээр хийж хэрэгжүүлэх найман ажлаа танилцууллаа. Мөн "Манай нам бол төрөө байгуулагч, төрөө баталгаажуулагч. Тиймээс намын ажлыг сайжруулах, боловсон хүчний бодлогыг дэмжих, анхан шатаа анхаарах нь төрийн ажил юм. Эдгээр ажлаа үргэлжлүүлэхийн тулд би намын даргад өрсөлдөхгүй гэдгээ мэдэгдсэн. Анхнаасаа би дарга, цэрэг болж албан тушаалд шунаагүй ээ. Журмын нөхөд минь санал, сэтгэл нэгдээд "Энэ хүнд цаг үед ачаа үүр" гэж надад даалгасан. "Үүнээс ухрах эрхгүй" гэж үзэж, ардын намынхаа саналаас ухрахгүйгээр саналыг хүлээж авсан. Тухайн үед намын Бага хурлын гишүүд "Ерөнхий сайд намынхаа захиргааны болон улстөрийн эрх мэдлийг хамтад нь үүр" гэдэг саналыг хэлсэн. Би гэнэн цайлганаар итгээд л явсан. Ажлаа ч сайжруулъя гэж бодсон. Засгийнхаа ажлыг сайжруулж, энэ хямралыг давъя гэж өдөр шөнөгүй зүтгэсэн. Аливаа асуудалд ороод гэнэт намын даргын төлөө тэмцэж улайрсан зүйл байхгүй. Албан тушаалаас илүү зарчим, хууль, дэг журмыг баримиталж хатуу зогсох зүйл дээр хатуу зогссон. Албан тушаалын биш ардын намынхаа төлөө зогсож байгаа гэдгээ амьдаар нь харуулахын тулд нэрээ татаж мэдэгдэл хийсэн. Улс эх орныхоо эрх ашгийг бодож, давхар дээлээс татгалзсан" гэв.
Эх сурвалж:www.polit.mn