ОХУ-ын Хабаровск олон улсын нисэх онгоцны буудлын түүхэнд анх удаа Хятадын томоохон хотуудын нэг Шанхай руу шууд хуваарьт нислэг үйлдэж эхлэх гэж байна. Энэ тухай нисэх буудлын хэвлэлийн албанаас мэдээлэхдээ “Онгоц Хятад руу анхны нислэгээ арванхоёрдугаар сарын 24-нд хийхээр төлөвлөж байгаа бөгөөд нислэгүүд нь намар-өвлийн навигацийн улирал дуустал явагдана” гэсэн байна.
Долоо хоногт хоёр удаа хийх энэ нислэгийн үргэлжлэх хугацаа ойролцоогоор дөрвөн цаг болно. Зорчигчид 128 хүний суудалтай Airbus A319 онгоцоор Шанхай руу ниснэ гэж мэдээлэлд дурджээ.
"Шанхай бол Хятадын аялал жуулчлал, бизнес, тээвэр логистикийн томоохон төв. Энэ нь бусад улс оронтой холбогдоход тохиромжтой, бас тус хот нь очиж үзэх ёстой газрын нэг" гэж Хабаровскийн олон улсын нисэх онгоцны буудлын хэвлэлийн албанаас онцолжээ.
Эх сурвалж: Polit.mn
