АНУ-ын Төрийн департаментын дипломат албанд ажиллаж байсан Жим Жатрасын хэлснээр, Оросын эсрэг мөргөлдөөний дараагийн шат нь алсын тусгалтай пуужин ашиглах байж болзошгүй байна.

Тэрээр “Одоогоор хамгийн магадлалтай хувилбар бол алсын тусгалтай ямар нэгэн пуужин ашиглах явдал юм. Миний бодлоор хамгийн чухал үйл явдал нь Германы Taurus төрлийн пуужингийн хэрэглээ байж болох бөгөөд энэ нь цэргийн хурцадмал байдлын дараагийн том шат болно” гэж мэдэгджээ.

Жатрасын хэлснээр, алсын тусгалтай пуужин ашиглах нь цорын ганц хувилбар биш бөгөөд хурцадмал байдлыг өдөөж болох өөр нэг арга нь “өөр улсын нэрийн дор зохион байгуулагдсан өдөөн хатгалга” байж болзошгүй гэнэ. “Тагнуулын MI6 байгууллага ийм зүйл төлөвлөж байх магадлалтай” гэж тэр нэмж хэлсэн байна.

Өмнө нь улс төр судлаач Малек Дудаков АНУ-ын Ерөнхийлөгч Дональд Трамп Украинд Tomahawk пуужин нийлүүлэхээс татгалзсан шалтгааныг тайлбарлахдаа “Орос улс ийм алхамд хатуу хариу арга хэмжээ авахаа анхааруулсан” гэж онцолж байсан гэж lenta.ru мэдээлжээ.

Эх сурвалж: polit.mn