Англи эхээс хөрвүүлсэн тоймч В.АРИУНЧИМЭГ

Geopolitical Monitor сэтгүүлийн судалгааны тайлан

АНУ-Пакистаны харилцаа олон жилийн үл итгэлцлийн дараа дулаарч байна. Хоёр улс эрчим хүч, технологи, эрдэс баялгаар дамжуулан бие биенээ дахин нээж, өмнө нь зориглож байгаагүй хамтын ажиллагаа буюу хямралын мөчлөгөөс цааш үргэлжлэх түншлэлийг бий болгож байгаа бололтой. Пакистаны Ерөнхий сайд Шехбаз Шариф, Армийн командлагч, генерал Асим Мунир нарын АНУ-ын Ерөнхийлөгч Дональд Трамптай ойр ойрхон хийсэн уулзалтууд энэхүү түншлэлийн шинэ үе шатыг нээж, Пакистан улс бараг арван жилийн турш зайлсхийсний эцэст Вашингтоны стратегийн радарт эргэн ирснийг илтгэв. Пакистан терроризмын эсрэг тэмцэл, цус урссан дайнуудаас хөндийрч хөрөнгө оруулалт, харилцаа хамтын ажиллагаа руу шилжиж буй нь сонин л үзэгдэл.

Худалдаа, арилжаа эдийн засгийн сэргэлтийг авч ирж байна

Олон арван жилийн турш Пакистан-АНУ-ын харилцаа хамтын ажиллагаа, сөргөлдөөний хооронд ээлжлэн солигддог тогтворгүй байдалтай л байж ирсэн. Харин энэ удаад өөр мэдрэмж төрүүлж байна. Вашингтон Исламабадыг зөвхөн аюулгүй байдлын хувьд өөрөөс нь хараат, дэлхийн хангамжийн сүлжээг өөрчлөх өрсөлдөөн дундах эдийн засгийн холбоотон гэж л харж байгаа. АНУ-ын Стратегийн Металл Компани (USSM) Пакистаны чухал ашигт малтмалд 500 сая ам.долларын хөрөнгө оруулалт хийхээр болсон нь сүүлийн жилүүдэд АНУ-аас Исламабадад амалсан аж үйлдвэрийн хамгийн том амлалтын нэг юм. Хөрөнгө оруулалт хийх тухай Харилцан ойлголцлын санамж бичгийн гол агуулга нь цахилгаан тээврийн хэрэгсэл болон батлан хамгаалах үйлдвэрлэлд чухал ач холбогдолтой газрын ховор металл, зэс, литийн хайгуул хийх, боловсруулахад чиглэжээ.

Дэлгэрэнгүй унших линк: www.zuuniimedee.mn

Эх сурвалж: “Зууны мэдээ” сонин

2025 ОНЫ АРАВДУГААР САРЫН 30. ПҮРЭВ ГАРАГ. № 205 (7702)