"Орос улсад үйлдвэрлэв" брэндийн нэрийн дор жижиглэн худалдааны цэгүүд нь Оросын үйлдвэрлэгчид болон Хятадын дистрибьютерууд, жижиглэн худалдааны сүлжээ, зах зээлийн харилцааны платформ болж байна. 180 гаруй үйлдвэрлэгч энэ боломжийг ашиглаж, 3300 гаруй бүтээгдэхүүнээ санал болгож байгаа талаар rg.ru мэдээлжээ.
Хатуу хяналтад
Хабаровскийн хязгаар дахь Ветли Восток компани нь Оросын Алс Дорнод дахь гурилан бүтээгдэхүүний томоохон үйлдвэрлэгчдийн нэг юм. Түүний экспортын тэргүүлэх чиглэл нь Хятад улс. Тус компанийн бүтээгдэхүүнүүд Хятадад “Орос улсад үйлдвэрлэв” үндэсний дэлгүүрүүдийн лангуун дээр аль хэдийнээ гарсан. Тус компани нь олон төрлийн жигнэмэг, тэр дундаа цагаан гаатай бүтээгдэхүүнүйлдвэрлэдэг. Бүх бүтээгдэхүүн нь Оросын ГОСТстандартын дагуу чанарын хяналтын тусгай системд хамрагддаг. Чанарын хатуу хяналт нь зөвхөн шинэхэн, амттай бүтээгдэхүүн дэлгүүрийн тавиур дээр хүрэх боломжийг олгодог байна.
Оросоос ирсэн кофе
Coffee Plus нь бүтээгдэхүүнээ Сыктывкар хотод үйлдвэрлэж, Орос даяар, мөн Тусгаар улсуудын хамтын нийгэмлэх /ТУХН/-ийн орнууд болон Хятадад түгээдэг. “Олон улсын хамтын ажиллагаа, экспорт” үндэсний төслийн хүрээнд бүс нутгийн экспортыг дэмжих төвийн дэмжлэгтэйгээр БНХАУ-ын зах зээлд бүтээгдэхүүнээ тохируулан Шанхай хотод борлуулалтын алба нээсэн байна.
Энэ жил тус компани Узбекистан улсын түншүүд болон боломжит гүйцэтгэгчидтэй уулзалт хийжээ. Бас Алматыхотод болсон 2025 оны Qazaqstan Coffee Festival-д оролцсонбайна. Энэхүү томоохон задгай кофены баяраар тус компани хамтын ажиллагаагаа өргөжүүлэхээр тохиролцож, шинэ бизнесийн харилцаа холбоо тогтоосон гэж хэвлэлийн мэдээнд дурджээ.
Зөвхөн Хятад ч биш
Буриад улсын “Амта” нарийн боовны компани олон улсын зах зээлд гарлаа. Бүтээгдэхүүний төрөлд 200 гаруй. ОХУ-ын Экспортын төвийн дэмжлэгтэйгээр тус компани бүтээгдэхүүнээ "Орос улсад үйлдвэрлэв" брэндийн дэлгүүрүүдэд худалдаалж, гадаадад шууд тээвэрлэлт хийдэг. Амтагийн бүтээгдэхүүнүүд түгээмэл байдаг экспортын гол чиглэл нь Монгол, Казахстан юм.
Эх сурвалж: Polit.mn