К.АНУ

Газын зурваст гал зогсоох хэлэлцээрт албан ёсоор гарын үсэг зурсантай холбогдуулан Египетийн Шарм-эль-Шейх хотноо "энхийн дээд хэмжээний уулзалт" зохион байгуулагдаж байна. Египетийн As-Shorouq мэдээллийн агентлагийн мэдээлснээр, Палестины ерөнхийлөгч Махмуд Аббас "энхийн дээд хэмжээний уулзалтад" оролцоно. Мөн Израйлын Ерөнхий сайд оролцохоор болж байгаа талаар хэвлэлүүд мэдээлжээ.

Америкийн мэдээллийн агентлаг Axios өмнө нь удахгүй болох дээд хэмжээний уулзалтад Их Британи, Герман, Индонез, Иордан, Итали, Катар, Арабын Нэгдсэн Эмират, Пакистан, Саудын Араб, Турк, Францын удирдагчид эсвэл Гадаад хэргийн сайд нар оролцох төлөвтэй байгааг мэдээлж байсан.

Египетийн ерөнхийлөгч Абдель Фаттах ас-Сиси АНУ-ын ерөнхийлөгч Дональд Трампыг өөрийн улсыэ  төрийн дээд шагнал болох Нил мөрний одонгоор шагнана. Энэ тухай хэвлэлззп Египетийн ерөнхийлөгчийн тамгын газраас иш татан мэдээлсэн байна.

“Египетийн Ерөнхийлөгч Абдель Фаттах эль-Сиси АНУ-ын Ерөнхийлөгч Дональд Трампыг мөргөлдөөнийг зохицуулахад оруулсан хувь нэмрийг, тэр дундаа Газын зурвас дахь дайныг зогсооход оруулсан хувь нэмрийг нь үнэлж,  түүнийг Нил мөрний одонгоор шагнахаар шийдлээ” гэж тус Египетийн холбогдох албаны мэдээнд дурджээ.

Нил мөрний одонг египетчүүд болон бусад орны иргэдэд тус улсын төлөө байгуулсан гавьяаных нь төлөө олгодог. Энэхүү шагналыг Өмнөд Африкийн Ерөнхийлөгч Нельсон Мандела, хуучин ЗХУ-ын хэд хэдэн сансрын нисэгч, мөн ЗХУ-ын Төв Хорооны нэгдүгээр нарийн бичгийн дарга Никита Хрущев нар хүртэж байжээ.

Энэ даваа гараг /2025.10.13/-т Палестины Хамас хөдөлгөөн Газын мөргөлдөөнийг зохицуулах хэлэлцээрийн хүрээнд барьцааны хүмүүсийг суллахаа мэдэгдсэн. Дональд Трамп газын зурваст дайн дууслаа хэмээн мэдэгдсэн билээ.

Эх сурвалж: polit.mn