П.АМГАЛАН

Ерөнхий сайд Г.Занданшатарыг огцруулах саналыг Төрийн байгуулалтын байнгын хороогоор хэлэлцэж эхэллээ. Хэлэлцэж буй асуудалтай холбогдуулан УИХ-ын 10 гишүүн асуулт асууж хариулт авч байна.  
УИХ-ын гишүүн Б.Хэрлэн:-Зургадугаар сарын 12-ны өдөр буюу дөрвөн сар ч болоогүй байна.  Хуралд 118 УИХ-ын гишүүн оролцсноос 108 гишүүн дэмжиж Ерөнхий сайдыг томилж, энэ Засгийн газрыг бүрдүүлэх эрхийг олгосон байдаг. Дөрвөн сар хүрэхгүй хугацаанд буцаагаад огцруулах тухай яриад сууж байна. Өнөөдөр энэ асуудлыг хэлэлцэнэ гэхээр нь Төрийн байгуулалтын байнгын хорооноос УИХ-ын дэгийн тухай хуулийг баримтлаад хэлэлцэх гэж  байгаа асуудлын талаар танилцъя, атериалыг нь авч үзье гэсэн хүсэлт тавьсан. Уг нь бид нар энэ Засгийн газрыг  огцруулах тухай шийдвэрийг гаргахдаа суурьтай хандмаар байна. 
Ерөнхий сайдаас асуух зүйл байна. Хулгайнуудыг цэгцлэх асуудлаар сүүлийн үед нэлээд эрчимтэй ажилласан. Хулгайтай тэмцэх гэж байгаа үед энэ асуудал үүссэнийг та юу гэж харж байна вэ. 
Ерөнхий сайд Г.Занданшатар:- Ер нь бол Монгол Улсын Засгийн газрын гарааны гурван сар бол эдийн засгаа өөд нь татаж, эдийн засгийн уналтаас сэргийлэхийн тулд баялагийн хулгайтай тэмцэж, түүнийг цэгцэлж сэргээн өдрүүд байлаа. Ганцхан жишээ хэлье. “Эрдэнэс Тавантолгой” ХК-д онцгой дэглэм тогтоосноос хойш сарын 1.7 -2.7 сая тн болж өслөө. Вальютын нөөц түүхэнд  дээд хэмжээндээ хүрч 5.9  тэрбум долларт хүрлээ. 
Сар бүр алдагдалтай гарч байсан улсын төсөв наймдугаар сард тодорхой ашигтай гарч, экспортын орлого 513.8 сая доллар болж өссөн үүний үрд вальютын  нөөц 5.9 тэрбум доллар  болсон. Манай засгийн газар  сайн ажиллаж байсан байна гэдэг эдийн засгийн бодит тоогоор батлагдаж байна.  Засгийн газрыг огцруулах гэж байгаа үндэслэлийг хайгаад олоогүй  сүүлийн гурван хоног. Эдийн  засаг хүнд байх үед Засгийн газар огцруулах үндэслэлтэй шалтгаан гаргах ёстой” гэлээ.